Hamdi Nuhiju
Njerëzit për nga natyra e tyre dinë që ti ndërlikojnë
marrëdhëniet e tyre shoqërore. Disa prej tyre ndoshta edhe i thjeshtësojnë të njëjtat
në bazë të interesave të momentit, po në raste tjera ata nuk i ikin dot ndërlikimit.
Dhe si rezultat i marrëdhënieve të ndërlikuara e të tensionuara shoqërore midis
individëve dhe grupeve të caktuara, vijmë deri tek pozita të sikletshme të
cilat dinë të janë të rrezikshme.
Si individi ashtu edhe shoqëria duhet që t`i përshtatet rrethit
dhe të ambientohet me secilën situatë. Ai nuk guxon që të keqtrajtoj çështjet që
ka në dorë për të orientuar e as të orientoj veten drejt çështjeve që mund të
keqtrajtohen prej të tjerëve. Shtresëzimi i shoqërisë sa është i dëmshëm për individin është
po aq i dëmshëm edhe për shoqërinë. Përmendet ky fakt për arsyen e pasojave që
dalin në trajtim nga ana e këtij shtresëzimi e jo pajtimit me fatin e vetëvendosjes
dhe përcaktimit. Njeriu nuk mund ta ndryshoj statusin e tij social, ose mendor
po qe se është i krijuar në rrethana dhe kushte të tilla. Ai mund që pesimizmin
e tij ta shndërroj në optimizëm dhe në prizmin e optimizmit t`i trajtoj të
gjitha fenomenet shoqërore.
Dora e Krijuesit është gjithmonë prezent në vetëdijen shoqërore
të njeriut. Ky fakt mjafton si stabilizator për gjendjen shpirtërore, morale, shoqërore
e fizike të njeriut. Rruga e brengosjes e frikës nga padrejtësia shoqërore, si
dhe inspirimi i njeriut nga vargjet kur`anore, fjalë e Allahut, për të
reflektuar mbi të gjitha këto padrejtësi, janë dy gjëra që duhet trajtuar me
mesatari. Njeriu për asnjë moment nuk guxon që të humbet dhe të humb edhe të
tjerët në humbëtirën e tij ideologjike dhe mendore. Të tjerët duhet që ti thërras
në reflektim po ashtu edhe veten duhet që ta ketë të kyçur në këtë rrugë të një
kapshme.
Njeriu për njeriun është ujk. Kjo thënie ka tingëlluar keq
dhe ka dal si rezultat i reflektimit të njeriut për njeriun nga prizmi shtazarak.
Duke u qasur në këtë frymë, shumë kurthe e blasfemi kanë dal në shesh dhe është
bërë e domosdoshme mbrojtja prej gjendjeve dhe situatave të këtilla.
Ndërsa për besimtarin mysliman mjafton reflektimi në këtë
ajet kur`anor sa për të qetësuar zemrën, shpirtin, ndjenjat dhe stabilizuar
mendjen:” Allahut i përket gjithçka që gjendet në qiej dhe gjithçka gjendet në
Tokë dhe tek Allahu do të kthehen të gjitha çështjet.”( Ali Imran:109)
Ky ajet kur`anor definon ekzistencën e të gjitha gjërave
dhe çështjeve. Në këtë mënyrë njeriu zbulon se është një krijesë e një Krijuesi
Madhështor, i Cili të gjitha botët i mban në ekuilibër dhe nën kontroll të
vazhdueshme. Gjithçka është krijuar me vullnetin dhe dëshirën e Tij, po ashtu
edhe gjithçka mund të shkatërrohet me vullnetin dhe dëshirën e Tij. Prandaj,
besimtari mysliman karshi kurtheve të shumta që ekzistojnë në këtë botë, nuk ka
vend për brengosje. Ai e di se të gjitha çështjet kthehen tek Allahu. Mjafton vetëm
të ndjek me përpikëri rrugën e Tij.
No comments:
Post a Comment