Hamdi Nuhiju
Ndjenjat e njerëzve shpesh herë ngatërrohen
ndërmjet muzikës dhe Kur`anit. Për ndjenjën e mbytur nga zëri ç`rregullues i muzikës,
Kur`ani është fjalë e rëndë, e pa kuptimtë, e tërthortë, e tepërt. Ajo nuk dëgjohet,
nuk lexohet e as që mbahet në mend, siç dëgjohen, lexohen e mbahen në mend këngët
e ndryshme të dashurisë.
Shpirti i njeriut dashurinë e mësoi
nga Zoti, Krijues i dashurisë. Nuk mund që zemra të jetë zemër pa ekzistencën e
termit dashuri. Mendja shpesh herë turbullohet e venitet në tërësi përmes mungesës
së dashurisë. Ndoshta dikush dashurinë e
quan iluzion, ndërsa në të vërtet është infuzion për zemrat dhe mendjet e ngurtësuara.
Fjalët në Kur`an, si në përkthim e
si në origjinal, janë gjithmonë në frymën
pozitive për shpirtin, mendjen, trupin dhe jetën e njeriut. Edhe qortimi në
Kur`an, dallon prej qortimeve të egos. Njeriu, kjo krijesë kaq e vogël në këtë
kozmos nuk ka peshë pa ekzistencën e Kur`anit në jetën e tij. Sido që të
sillesh ndaj Kur`anit, Kur`ani domosdoshmërish është pjesë e jetës tënde. Për ta
gjallëruar atë mjafton që të fluturosh me secilin harf. Nuk mund t`i ikësh
Kur`anit, edhe në qoftëse nuk e pranon si ligj ose sistem të jetës tënde. Ndoshta
ke hedhur baltë me vite të tëra dhe je munduar ta sfidosh veten kundër këtij libri,
po vet e di se nga cila gjendje e në cilën gjendje ke rënë.
Efekti i dashurisë ndaj Kur`anit,
shihet vetëm në momentet e leximit, memorizimit dhe jetësimit të asaj që e kemi
lexuar e memorizuar. Ne nuk guxojmë ta përdhosim veten, duke nëpërkëmbur fjalën
e Allahut që e lexojmë e nuk e jetësojmë. Ndoshta gjetja e arsyes do të ishte
arsyeja e vetme e pengesës sonë midis Kur`anit dhe jetës. Ndonjëherë kujtojmë se
jemi duke vepruar drejt, ndërsa sipas fjalës së Allahut, ajo që po bëjmë është vetëm
sherr. C`rregullimi i njerëzve në botë, arsyetohet me idenë e rregullimit. Popujt
c`rregullues, individët c`rregullues, grupet c`rregulluese në momentet e
c`rregullimit deklarojnë rregullin e rregullimit. Ne, nuk po prishim, por po rregullojmë,
thuan ata.
Shpirtrat ujiten për çdo ditë me
fjalën e Allahut, ndërsa vyshken e vdesin, gjithmonë kur fjala e Allahut është jashtë
ekzistencës së tyre. Ekzistojmë si trup, flasim, hamë e pimë, po jemi të vdekur
si mysliman. Njerëzit na shohin, shëtitmi me to e punojmë, po ne jemi kufomat më
të mëdha që ka parë ndonjëherë syri i njeriut. Shpirti duhet që ta ndërgjegjësoj
zemrën dhe mendjen e njeriut për t`iu afruar Kur`anit e jo për ta larguar.
Sepse, përmes largimit prej fjalës së Allahut, ne jemi larguar prej një mirësie
të pakrahasueshme me diçka tjetër. Vetëm se leximi, përkushtimi, memorizimi, mësimi
i komenteve dhe jetësimi i fjalës së Allahut bie në kundërshtim me veset e
egove tona.
No comments:
Post a Comment