Hamdi Nuhiju
Çasti dallon nga çasti e nis udhëtimin
e përbotshëm drejt zhdukjes. Çast i rrëmbyeshëm me vesin e vetëpëlqimit, ndërsa
fjalë e mbjell me dashuri. Bota lëkundet nga dëgjimi i britmave të djallit. E kanë
kapur sytë dhe po e rrjepin.
Lëkura i bie lehtë djallit. Ajo nuk
mund t`i zëvendësohet me ndonjë lëkurë tjetër, e as shëmtia të i mbulohet ndonjëherë.
Dhëmbët po ia vrasin gojën, ndërsa veshët i janë rritur. Hundët po ia pamundësojnë marrjen e ajrit, ndërsa
këmbët i janë këputur nga lodhja.
Për të arritur deri tek e mira
duhet të qëndrosh në këmbë, në borë e në diell. Për asnjë moment nuk guxon që të
lëvizësh prej pozicionit. Edhe nëse pëshpëritja e djallit të shndërrohet në muzikë
të lehtë, tërheqëse. Edhe po qe se thirrja e tij lidhet me ëmbëlsinë e dembelizmit,
t`i e unë duhet të qëndrojmë zgjuar. Sytë ose do t`i hapim ose do të na i hap
djalli i mallkuar.
Të rinjtë duhet të kuptojmë se
suksesi nuk është një fshesë e vendosur në dorën e gjithë secilit. Për asnjë moment,
suksesi nuk synon që të na pastroj nga vesi i vesvesit që vjen prej djallit të
mallkuar.
Dhikri, si pjesë e pandashme e
jetës është një oazë mirësish të mbledhura në një vend. Vetëm ai njeri që
strehohet nën hijen e tij, e kupton drejt vrushkullin dhe rrjedhën e dhikrit. Deri
tek kjo pikë, njeriu arrin përmes trajnimeve të vazhdueshme dhe mos neglizhimit
të adhurimeve. Mund ta parashikojmë llomin e mbledhur në shpirtin, zemrën,
mendjen e njeriut përmes syrit të tij. Magjia e tij ( syrit ) është prekja e dhikrit me dorë. Dhe syri në
momentin e prekjes së dhikrit me dorë, e ngjallë jetën e trupit, mendjes, zemrës
e shpirtit me fjalën e Allahut. Kjo ngjallje është fjala e mirë si pema e mirë,
me rrënjët e vendosura thellë në tokë e degët lart në qiell.
Duhet t`i zgjojmë sytë nga
neglizhenca ndaj dhikrit, në qoftë se duam ta zgjojmë shpirtin dhe jetën tonë.
Mevlana Xhelaludin Rumi thotë:”
Kur zgjohesh, arti dhe mjeshtëria të kthehen prapë,
Me qëllim për të ta hapur portën e shkaqeve.
Mjeshtëria e argjendarit nuk shkon te kovaçi;
Shprehia e bukur e njeriut të mirë nuk shkon te i prapi...
Ditën e kiametit, mjeshtëritë dhe shprehitë
I vijnë pranë palë-palë
si pajë të zot....
Të bukura apo të shëmtuara, idetë
Dhe shprehitë shkojnë te i zoti që me mëngjes.”
No comments:
Post a Comment