Qendra e
Solidaritetit dhe Avancimit në Kumanovë, në bashkëpunim me organizatën e
mirënjohur gjermane Muslime Helfen, këto ditë implementoi projektin e dimrit në
Komunën e Kumanovës dhe të Likovës.
Projekti në fjalë
përfshinte dru për ngrohje, dru këto në total 328 kubik, ose 6 kubik për një
familje skamnore. Në projekt gjithsejtë u përfshinë 55 familje skamnore nga
Komuna e Likovës dhe Kumanovës.
Sipas
përfaqësuesit të QSA-së në Kumanovë, Hamdi Nuhiju, projekti në fjalë ka rrjedh
në mënyrë të suksesshme, dhe nga popullata është pranuar me sinqeritetin më të
madh.
‘Ne me kohë kemi
gjetur ofertuesin më të përshtatshëm të druve, i cili na ka siguruar dru për
ngrohje të një cilësie të lart. Përveç kësaj, po ky ofertues na ka premtuar që
do të na mbështes edhe në projektin Bukë e shpresë, duke financuar dy familje
skamnore për vitin 2014. Qysh nga fillimi i projektit e deri në përfundim të
tij, ne jemi të kënaqur me rrjedhën, dhe pengesat të cilat kanë qenë të natyrës
teknike i kemi mënjanuar me sukses. Me këtë rast, në emër të ekipit të QSA-së
Kumanovë, falënderoj donatorin Muslime Helfen për këtë donacion të dhënë në dy
komunat tona, po ashtu edhe gjithë aktivistët tanë të cilët në mënyrë dinjitoze
kanë implementuar këtë projekt. Projekti i ngjashëm është realizuar po nga i
njëjti donator edhe në Komunën e Preshevës dhe të Bujanocit e implementuar nga
QSA në Preshevë’, tha Hamdi Nuhiju.
QSA në Kumanovë
shpreson se edhe vitin tjetër i njëjti projekt do të implementohet në Kumanovë
dhe Komunën e Likovës.
http://www.youtube.com/watch?v=6i2NPo5w3sA
No comments:
Post a Comment