Hamdi Nuhiju
Ato që kanë pasur rastin ta shohin filmin ‘ The great dictator’ me regji
dhe skenar të Carli Caplinit, do të kishin mundësinë të gjenin mesazhin më
ironik të shekullit të fundit. Mesazhi i këtij filmi është i përshtatshëm edhe
për kohën në të cilën po frymojmë.
Po ta kthenim me terma tjerë, dhe ta
përshtatnim në realitetin bashkëkohor lokal, do të dilte një fizionomi që do
t`ia ngrinte nervat Nikolla Gruevskit.
Filmi ‘ The great dictator’ dhe lindja e Pejgamberit të Mëshirës, Muhamed
Mustafasë , janë dy ngjarje prej të cilave politikanët tanë në Shqipëri, në
Kosovë, në Maqedoni, në Luginë të Preshevës duhet të marrin mësim. Ato nuk po
llogarisin aspak në popullatën dhe gjithmonë të njëjtën po e përdorin si top për
mish, me të vetmin qëllim arritjen e synimeve të tyre.
Maqedonia do të ketë zgjedhje lokale në muajin mars. Në ndërkohë, në muajin
qershor në Shqipëri do të mbahen zgjedhjet parlamentare dhe në të njëjtën kohë
po iniciohet zgjidhja politike midis Kosovës dhe Serbisë nga ana e ndërkombëtarëve.
Gjithë këto ngjarje në të njëjtin kohë, duken si një orkestër e veçantë me një
dirigjent që kuptohet dhe njihet lehtë.
E orkestruar po është edhe opozita ballkanike. 21 janari i Shqipërisë nuk
dallon shumë prej 24 dhjetorit të Maqedonisë. Skandalet e politikanëve shqiptarë
të Kosovës nuk dallojnë shumë prej skandaleve të politikanëve të Luginës së
Preshevës, të Shqipërisë, të Serbisë e Ballkanit.
Vullnetarët amerikan të vendosur në Maqedoni, që po interesohem për mësimin
e gjuhës maqedonase, shqipe, për traditat, kulturat, doket dhe fenë, si duket
do të janë aktorët kryesor të turbullimit të ujit dhe shtimit të avazit të varësisë
së Maqedonisë ndaj të huajve. Modeli i Shqipërisë po dëshirohet që të arrihet
edhe në Maqedoni. Me promovimin e këtyre vullnetarëve amerikan, ne marrim
mesazhin e futjes së Maqedonisë në NATO. Këtë rrugë e ndoqi edhe Shqipëria. Ajo
vlonte prej vullnetarëve të njëjtë para futjes së Shqipërisë në NATO, derisa u
krijuan kushtet e pushtimit të Shqipërisë nga Ambasada Amerikane.
Dirigjenti amerikan po dëshiron që mikun e tij, Nikolla Gruevski ta nxjerr
prej balte duke i dhënë favoret që nuk ia ka dhënë pushteteve të mëparshme.
Modeli revolucionar i politikës, nuk i përshtatet Republikës së Maqedonisë
e sidomos shqiptarëve në të. Është koha e fundit që shqiptarët të fillojnë ta përdorin
kokën e tyre për të zgjidhur problemet jetike, e jo të presin që për to të
mendoj ambasadori amerikan e as Nikolla Gruevski.
Është pak e pabesueshme, po personalisht pres që Maqedonia të futet në
NATO, në momentet kur Nikolla Gruevski ka rejtingun më të ulët gjatë udhëheqjes
së tij me këtë shtet. Në këtë mënyrë Maqedonia do të ngelet pa një alternativë
ose vizion politik të përshtatshëm për zgjidhjen e problemeve të natyrave të
ndryshme.
Opozita maqedonase do të kënaqet me atë pak kulaç politik që ka dhe shumë
shpejtë do të zbutet nga kërkesat e saja radikale. Në këtë mënyrë dy parti
politike më të mëdha shqiptare do të janë pozitë ( njëra në mënyrë direkt dhe
tjera në mënyrë indirekte), po edhe dy parti politike më të mëdha maqedonase do
të janë pozitë ( njëra në mënyrë direkt dhe tjetra në mënyrë indirekte).
Maqedonia do të ngelet përfundimisht pa opozitë. Ky realitet i përshtatet gjithkujt
përveç banorëve të Republikës së Maqedonisë.
Përderisa skenarë të këtilla ekzistojnë në çdo vend të Ballkanit, midis
popujve të ndryshëm, atëherë termi paqe është term i keqkuptuar dhe i
keqinterpretuar nga politikanët.
Termi luftë do të sjell shumë kurban nga popullsitë e pafajshme të
Ballkanit. Kurban i këtillë nuk prehet për të realizuar ndonjë qëllim fisnik,
por thjeshtë për të mbajtur në pushtet njerëzit e njëjtë që po udhëheqin me këto
shtete dekada me radhë.
Ka thënë Pejgamberi Muhamed alejhi selam: “ Trim nuk është luftëtari i cili
vret në luftë, por njeriu i hidhëruar i cili gjatë hidhërimit përmbahet”.
Mesazhi i paqes le të shërbej si mision për popujt e Ballkanit, e jo si një
mjet sherri për të mbajtur ‘përgjithmonë’ në pushtet të njëjtit njerëz.
No comments:
Post a Comment