Hamdi Nuhiju
Shqiptarët i kanë në gjak
thashethemet. Tërë ditën e natën rrinë e kuvendojnë dhe marrin nëpër gojë njerëzit
e dynjasë. Kështu veprojnë këta ndaj tyre, po edhe ata ndaj këtyre të njëjtën
masë kthimi kanë.
Thashethemet shpesh herë përdoren
në vend të gjellës. Në vend që të ngop nëna fëmijët e saj me ushqime të
shijshme, ajo i mbush me zarzavate fjalësh për mangësitë ose të arriturat e
tjetrit.
Në të dyja rastet, bëhet hiperbolizimi i tyre. Nëse është e arritur,
nuk është aq e madhe sa paraqitet në thashetheme, ose nëse është mangësi ose
dobësi, nuk është aq e shëmtuar, e keqe, e rëndë, sesa thashetheme-ja që e
paraqet.
Thashetheme-ja nuk është cilësi
vetëm e shqiptarëve. Atë mjeshtërisht po e përdorin edhe fqinjët ose bashkëqytetarët
tanë. Gatuesit e tyre si prej shqiptarëve ashtu edhe prej maqedonasve janë
futur në të njëjtën gjellë thashetheme-je. Veprojmë në mënyrë të orkestruar:thanë.
Nëse duam t`ia hipim çmimin njëri-tjetrit,
duhet të veprojmë në vijën e njëjtë. Herë hidhërohemi, herë pajtohemi. Ndoshta me
vite karshi popujve tanë nuk flasim, ndërsa ne e kemi përgatitur gjellën e njëjtë.
Edhe unë, po edhe ti për gjatë kohë, do të jemi në pozita udhëheqëse. Kështu murmuritën
e pëshpëritën politikanët.
Thashetheme-ja nga goja e popullit
si anomali u bë armë e politikanëve. E shndërruar
në bombë atomike shpesh herë ajo shpërthen në terrene të panjohura e të
papranueshme për opinionin.
Politikanët mund të nxjerrin
smeralde ari nga thashethemet aq sa ka mundur të nxjerr rend Prigozhin
Stenxhers nga kaosi. Nëse veset e mira e të këqija do t`i shndërronim në rrathë,
rrethi më i madh do të ishte ai i thashethemeve. Thashethemet kanë zëvendësuar
librat, mjetet e informimit, gazetat, revistat, madje edhe botëkuptimin progresist
të jetës. Edhe vet mjetet e informimit janë shndërruar në prodhuese dhe shpërndarëse
e thashethemeve.
Një shtet hibrid si Maqedonia, i ndërtuar
në konceptin e kuturologjisë dhe i bazuar në frymën e thashethemeve po ngulfat
edhe fëmijët e shkollave fillore përmes testeve eksterne. Për të mbuluar vetmbytjen
në testet eksterne, kjo elitë politike detyrohet që të shkaktoj skandal
diplomatik, duke organizuar - mos organizuar Samitin e Ohrit, në të cilin
samit, nuk ishte e ftuar presidentja e Kosovës.
Normal ky skandal diplomatik mund
të ketë shumë interpretime, në mesin e tyre edhe atë, se tash i duhet një shërbim
i vogël Sali Berishës dhe të zgjedhurit të tij Bujar Nishani, në zgjedhjet
parlamentare të 23 qershorit.
Përderisa në anën tjetër, Nikolla
Gruevski merret me mbytjen e tërësishme të opozitës maqedonase në Republikën e
Maqedonisë. Shqiptarët gjatë kohë kanë ngelur pa opozitë. Detyrimisht korpusi
politik shqiptar duhet që të ndryshoj rrënjësisht. Ai korpus nuk duhet që të
veproj në mënyrë të orkestruar me korpusin politik maqedonas, po gjithmonë në
vija të kundërta. Ideja e shtetit multietnik ose bashkim-vëllazërimit është
ideja e ngufatjes së nacionalizmit dhe interesave shqiptare.
Thashethemet nuk mbyllen me kaq. Por,
alarmojnë thashetheme të reja.
No comments:
Post a Comment