Hamdi Nuhiju
Hytbeja shumë e përfolur këto ditë
e hoxhës Irfan Salihu ishte njëra prej temave që preokupon ose që duhet të
preokupoj secilin shqiptarë mysliman. E kemi
parasysh se fjalët që u thanë aty nuk e preokupojnë pjesën krishtere të popullatës
shqiptare për shkak të provincializmit të tyre në ideologji dhe fe.
Ajo hytbe u përqesh dhe u sulmua
nga shumica e medieve shqiptare, çuditërisht edhe nga një grup myslimanësh
praktikant që nuk ndajnë si duket brengat e njëjta me hoxhën. Ata mysliman në
vend se të marrin hapin për të ndryshuar shoqërinë në të mirë, shkojnë dhe gjykojnë
hytben e hoxhës e i japin leksione me vend e pa vend se si duhet që ti përdor fjalët.
Në kohën e komunizmit, ashtu siç
na kanë treguar pleqtë tanë, në hytbet e hoxhallarëve janë përzier vet shteti, ndërsa
tash në demokraci prej tek shteti,
grupet e vogla të interesit, mediumet, individët, intelektualët, myslimanët,
badihavxhinjtë etj. Ndërsa në ’ hytben ’
e Arian Canit, të mbajtur në Zonë e Lirë, ku i njëjti predikoi për ‘merakliket’
me shami, nuk u dëgjua zëri i këtyre myslimanëve praktikant.
Brenga që e paraqet haptas hoxha
Irfan Salihu duhet që të gjithë neve të na vetëdijësoj. Baza e shoqërisë që është
familja, sot është në zhdukje e sipër. Nëpër oda, kafene, institucione publike e
private, gati të gjithë e dimë se ku është problemi, por heshtim. Heshtja jonë
d.m.th se ne jemi pajtuar me një gjendje të këtillë dhe nuk duam ta ndryshojmë.
Ne, nuk duhet që të interesohemi që fenë ta marrim prej hoxhallarëve tanë që ndajnë
të njëjtat brenga me ne, por e marrim prej formateve të emisioneve që sulmojnë traditat
shqiptare që janë në dobi të ruajtjes së moralit dhe nderit. Në emisionin e
fundit të Agron Llakaj u sulmua edhe tradita e vendosjes së banjave për kryerjen
e nevojave fiziologjikë diku jashtë shtëpisë ( nënkuptohet brenda në oborr). Ndërsa, tek e
diela shqiptare, fëmijët e klasave të pesta e të gjashta mësohen se si duhet të
puthen.
Vet institucionet e ndryshme
publike në Shqipëri kanë bërë analizë për virgjinitetin e vajzave të shkollave
të mesme e fillore në Shqipëri, ndërsa hoxha të njëjtat analiza të tyre i përmendi.
As nuk shtoi e as nuk pakësoi. Nuk e di se çfarë krimi është që të përmendësh
studimin dhe analizimin e dikujt për të sulmuar disa dukuri ose vese negative në
shoqërinë tonë? Hytbeja nuk qenka vend i duhur?!!! Nëse hytbeja nuk është vend
i duhur për të folur për moralin dhe nderin e besimtarëve, atëherë nuk e di se
për çfarë shërben hytbeja? Ose ndoshta hytbeja duhet të shërbej dhunshëm për
thirrjen e popullatës për të votuar partitë në pushtet në Maqedoni, Kosovë,
Shqipëri?
Përderisa në vende të ndryshme të
botës bëhen tentime se si të ruhet virgjiniteti i femrave, tek ne, si duket
edhe hoxha e ka të ndaluar që të flas për ruajtjen e virgjinitetit dhe pastërtisë
së femrave tona. Tek ne promovohen aktivitete si ‘Nata e Seksit’ në Prishtinë,
si dhe Shqipëria është shndërruar në parajsë tokësore për homoseksualet, lesbiket
etj, ndërsa hiç më larg se në Maqedoni, këto grupe janë të diskriminuar skajshmërish
me investimin e pushtetit dhe opozitës. Nëse duhet që ta dallojmë të mirën nga
e keqja, këtë gjë duhet bërë vet ne shqiptarët mysliman, e jo ortodoksët,
katolikët, protestantët etj, ndërsa neve të na detyrojnë që ti përkulemi veseve
çthurëse.
Unë nuk jam avokat i hoxhës, por
do të jam avokat i brengës së tij deri në përfundim të jetës. Në shtjellimin e asaj
hytbeje kisha shtuar edhe kritere ende më të rrepta për të ndërtuar një familje
të shëndosh. Pa familje të shëndosh, nuk do të kemi shoqëri të shëndosh dhe ardhmëria
e kombit tonë do të jetë gjithmonë në rrezik.
2 comments:
Allahu t'shperblefte per deklaraten Hamdi!
Plotesisht e drejte, Hamdi. Besoj se sikur hoxha t'a shtjellonte kete ceshtje ne nivelin qe po e beni ju, askush nuk do te regonte negativisht ndaj asaj hytbeje...Por, eshte toni emocional (urrejtja) dhe vecanerisht gjuha e njeanshme (pavaresisht audiences se aty per atyshme)ajo qe ngjalli reagimet. Cdo eksperience eshte mesim...Hajr inshalla!
Post a Comment