Hamdi Nuhiju
Politizimi i Kishës në Oktis është
fytyra më e keqe e garniturës politike në Republikën e Maqedonisë. Besimtarët ortodoks
të Oktisit duhet të kanë kishën e tyre, ashtu siç besimtarët mysliman të
Shkupit të kanë Burmali Xhaminë.
Kisha në Oktis duhet që të ndërtohet
njëjtë si Xhamia në Bitolë e Prilep. Kryeministri Gruevski, duhet që të ketë qasje
të njëjtë si për kishën në Oktis, ashtu edhe për xhamitë e Prilepit, Bitolës
dhe Burmalisë në Shkup. Përndryshe, edhe njëherë dëshmohet njëanshmëria e kreut
të qeverisë së Maqedonisë.
Besimtarët mysliman në Republikën
e Maqedonisë, asnjëherë nuk kanë kërkuar ndihmë financiare për renovimin e
xhamive të tyre, ose ndërtimin e tyre. Ato i kanë ndërtuar me vetkontribut. E vetmja
gjë që kanë kërkuar prej institucioneve të shtetit është dhënia e lejes. Ndërsa,
besimtarët ortodoks maqedonas përveç lejes për ndërtimin e kishave dhe
manastireve kanë edhe mbështetjen financiare të qeverisë së Republikës së
Maqedonisë. Manastiri në Treska ka gjetur përkrahje të fuqishme edhe nga
ministria e kulturës e Republikës së Maqedonisë, ndërsa Xhamia Burmali po
pengohet nga Qeveria e Republikës së Maqedonisë.
Renovimi i xhamisë së Abdurrahman
Pashës në Shkup, është bërë shpesh me ndihmën e Ambasadës së Shteteve të
Bashkuara të Amerikës në Shkup, ndërsa as edhe një denar nuk është gjetur nga
ministria e kulturës e Republikës së Maqedonisë për xhaminë e Tabanocit.
Kryeministri Nikolla Gruevski
duhet që të gjej zgjidhje edhe për xhaminë e Tabanocit. Paramendoni, besimtarët
mysliman të anës së Kumanovës, të nënçmuar nga pamjet e xhamisë së Tabanocit. Secili
mërgimtar dhe turist që kalon nëpër Maqedoni, e sheh xhaminë në gjendjen e
mjerueshme.
Besoj se qeveria e R.M. ka fonde
të mjaftueshme për renovimin e xhamisë së Tabanocit. Ose nëse nuk ekzistojnë fondet,
vet qytetarët e Kumanovës e rindërtojmë atë xhami, po na u dha leje.
Apelojmë deri tek kryetari i komunës
së Strugës, z.Zijadin Sela që të mos pengoje ndërtimin e Kishës në Oktis me qëllim
që të tregojmë qytetari dhe civilizim. Besimtarët e të gjitha religjioneve
duhet që t`i kanë objektet e tyre fetare, ti rinovojnë dhe të ndërtojnë objekte
të reja. Nëse kjo pjesë politizohet, atëherë pengohet e tërë jeta shoqërore në
një vend.
Kryetari i komunës së Strugës, përveç
lejes për ndërtimin e Kishës në Oktis, duhet që të kujdeset edhe për ndërtimin e
një xhamie të madhe në Strugë. Struga e meriton një xhami moderne që i plotëson
të gjitha kapacitetet për besimtarët mysliman të saj.
Jam i bindur se nuk humb asnjë poen
politik po dha leje për ndërtimin e kësaj kishe. Përkundrazi, njerëzve të pa civilizuar
që pengojnë rrjedhën fetare të një komuniteti të tërë, i jep leksione të
demokracisë dhe lirisë së shprehjes së identitetit fetar.
Mendoj se ka ardhur koha që
principet e demokracisë, praktikisht të dëshmohen në terren. Shqiptarët gjithmonë
kanë qenë shembull për të mirë për të gjithë popujt fqinj.
No comments:
Post a Comment