Hamdi Nuhiju
Pjesë e besimit të myslimanit është
besimi në botën tjetër, besimi se xheneti dhe xhehenemi janë të vërteta. Nëse besimtari
nuk beson në Xhennet dhe në Xhehenem, ai ka mangësi në besimin e tij dhe sipas shumicës
së dijetarëve mysliman duhet që ta ripërtërij atë.
Megjithatë, në shoqërinë tonë, ekzistojnë
njerëz të cilët ritet fetare ende i interpretojnë në bazë të poezive që kanë dëgjuar
në ndonjë mevlud të bërë tek ndonjë i afërm. Ata hedhin pluhur mbi çdo vlerë
fetare, duke e quajtur fenë tonë ose të tyre fe të deleve dhe deshve të cilët
shiten për Kurban Bajram para xhamisë.
Ata nuk e kuptojnë konceptin e
festës së Kurban Bajramit, prandaj edhe reflektojnë në bazë të masës që i duket
nga njohuria e tyre e verbët materialiste.
Koncepti i frikës dhe i shpresës tek
besimtari mysliman duhet që të jetë çështje e zgjidhur. Ai nuk guxon që t`i ngatërroj
frikën me shpresën dhe të zëvendësoj vendet ndaj atyre të cilëve duhet të frikësohemi
dhe prej të cilit duhet të shpresojmë.
Së pari, ne jemi krijesa të
Zotit, ku si të tilla duhet që ti bindemi urdhrave dhe ndalesave të Tij. E gjithë
kjo është në dobi tonën edhe pse në pamje në dëm tonin, ose epsheve tona.
Së dyti, ne duhet që të
lumturohemi nga ekzistenca e urdhrave dhe ndalesave në shpirtin dhe jetën tonë
të përditshme.
Së treti, nuk guxojmë që të gjejmë
mangësi në to, për arsye se Krijuesi i cili i jep këto urdhra dhe ndalesa është
i Drejtë për të gjitha krijesat.
Së katërti, duhet që të peshojmë vetveten
dhe veprat tona para se të na peshohen Ditën e Llogarisë.
Së pesti, nuk duhet që t`i
mbyllim sytë kur bëjmë ndonjë mëkat, por duhet ënjtur zemrën nga lotët e
pendimit.
Ne e dimë se xhehenemi është një
vend për mëkatarët. As nuk kemi të drejtë të interpretojmë sipas fesë se çfarë
statusi ka ai në jetën e besimtarit, po kemi të drejtë që të reflektojmë tek mëkatet
të cilat i bëjmë për çdo ditë.
Sejid Nursi thotë:” Mendimi për
xhehenemin dhe frika prej tij nuk i zhduk kënaqësitë e frutave të lartpërmendura
të besimit, sepse mëshira e pakufishme Hyjnore i thotë njeriut të frikësuar:
Eja tek Unë, dhe hyr në derën e Pendesës! Atëherë ekzistenca e xhehenemit nuk
do të tremb, por do t`i bëjë të njohura plotësisht kënaqësitë e xhenetit, dhe
do të bëj t`i provosh ato, ai do të marr hakun tënd dhe atë të gjitha
krijesave, të drejtat e të cilave janë shkelur, me qëllim që me këtë t`i kënaq dhe
të fus gëzimin tek to.” ( Shkopi i Musait a.s., f.73)
Xhehenemi do të marr hakun tënd
dhe të gjithë krijesave që janë shkelur. D.m.th është vend pastrimi e asesi
vend frikësimi. Xhehenemi të përkujton xhenetin dhe të bën të vetëdijshëm për
t`i ikur bërjes së mëkateve.
Frytet e besimit t`i do t`i
shijosh në këtë botë për shkak të baraspeshës që ka vendosur Krijuesi midis
shpirtit, mendjes,epshit dhe zemrës tënde. As edhe një sekondë nuk mund ta
kalosh jashtë kësaj plejade kënaqësish të cilat reflektojnë vlerat dhe zbusin e
fshehin anti-vlerat që fsheh në gjoks.
No comments:
Post a Comment