Autore: Francesca
De Chatel
1. Muhammed a.s.
dhe vetëdija ekologjike
"Cili nga
muslimanët do të mbjellë një dru , ose ndonjë send tjetër , ku në atë të mbjellë
përfitojnë zogjtë , njerëzit ose kafshët , ajo do të llogaritej për të si
sadaka”( Hadith,Buhariu, 111:513)
Ideja e
Muhammedit a.s. që si përfitim të ruhet rrethi në fillim mund që të na habisë.
Edhe në të vërtetë termi rrethinë , që është i lidhur me termin ekologji ,
vetëdije ekologjike është një term modern , ndërsa Pejgamberi a.s. këtë e
përmend ende pa u formuar ekologjia si terminologji në rrethin tonë jetësor. Megjithatë
duke gjurmuar mbi hadithet e Pejgamberit a.s. do të kuptojmë se ai ka qenë një ligjërues
i suksesshëm mbi ruajtjen e rrethit njerëzor. Mund të thuhet se ai ose
ligjërimi i tij ka qenë urë lidhëse ndërmjet mbrojtjes së zhvillimit ekonomikë
dhe shfrytëzimit të resurseve në harmoni të plotë me natyrën njerëzore. Në të
gjitha ngjarjet e jetës së Tij , kuptojmë se Pejgamberi a.s. ka pasur një respekt
të thellë për florën dhe faunën , njashtu edhe një raport të veçantë mbi katër
elementet : tokën , ujin , ajrin dhe diellin. Ka qenë një ligjërues i duhur
edhe i shfrytëzimit të mençur të ujit dhe kultivimit të çështjeve të pasurive
të ndryshme blegtorale , një raport të arsyeshëm ndaj kafshëve , shpendëve dhe
shpezëve dhe një ligjërues i suksesshëm për shfrytëzim të njëjtë dhe të drejtë
të këtyre pasurive. Në këtë kontekst do të përmendim më shumë pikëpamje të
Pejgamberit a.s. të rrethinës dhe koncepte që janë universale edhe për
ndjekësit e tij dhe të gjithë njerëzimit.
2. Tre Principet
Filozofia
Pejgamberike mbi rrethinën është mbi lartësinë e saj( i jep përparësi qëllimeve
para veprave) : thekson lidhjen themelore dhe ndërvarësinë të gjitha elementeve
natyrore dhe mësimi i tij ndërtohet në premisën se nëse njeriu e keqpërdorë ose
në mënyrë ekstreme e shfrytëzon një resurse natyror të botës në tërësi , ai do
të ketë pasoja direkte. Ky besim askund nuk është formuluar në këtë formë; mund
të themi lirisht se ky princip që ka venduar Pejgamberi a.s. dhe gjithë
Pejgamberët tjerë është një filozofi jetësore e cila mund të definohet si
dukuri.
Tre principet
themelore të filozofisë pejgamberike mbi natyrën kanë baza në mësimet e
Kur`anit nën konceptin e tevhidit , hilafetit dhe emanetit.
Tevhidi ose
njëshmëria e All-llahut xh.sh. është themeli i besimit islam. Ajo i mëson
njerëzit se ekziston vetëm një Krijues Absolut dhe Atij njeriu duhet t`i
përgjigjet me të gjitha veprat e veta:
“Vetëm të
All-llahut janë ç’ka në qiej dhe ç’ka në tokë. All-llahu ka përfshirë çdo
send.”(En-Nisa:126)
Keqpërdorimi i
secilës krijesë të Tij , qoftë ajo e gjallë ose ndonjë resurs , është mëkat.
Pejgamberi a.s.
na ka mësuar se të gjithë krijesat para All-llahut janë të njëjtë dhe beson se
njerëzit , toka , pylli dhe uji duhet të kenë të drejtat e tyre.
Koncepti i
hilafetit dhe i emanetit dalin nga principi i tevhidit. Kur`ani shpallë se soji
njerëzor ka të drejta të veçanta në mesin e krijesave në rruzullin tokësor:
njeriu është i zgjedhur si halife , mëkëmbës dhe përfaqësues , dhe është
përgjegjës për krijesat e All-llahut xh.sh. që i ka nën udhëheqje. Secili
individualisht këtë të dhënë duhet ta marrë si besim . Megjithatë , Kur`ani
nëpër shumë vende i urdhëron besimtarët që të mos bëhen arrogantë , përderisa
janë duke i mbikëqyr krijesat tjera :
” Nuk asnjë
gjallesë në tokë dhe as shpendë që fluturojnë me dy krahë e që nuk janë të
ndara në grupe (të ndryshme), sikurse edhe ju (Zoti i krijoi, i pajisi si
juve). Asgjë nuk kemi lënë pas dore nga evidenca. Më në fund te Zoti i tyre do
të tubohen.” (En`Nam:38)
“S’ka dyshim se
krijimi i qiejve dhe tokës është më i madh se krijimi i njerëzve, por shumica e
njerëzve nuk e dinë.”(Gafir:57)
Pejgamberi a.s.
ligjëron dhe thotë se të gjitha krijesat tjera janë të krijuara për njeriun si
toka , uji , pyjet , kafshët etj. Njeriu mund të shfrytëzoj resurse por nuk
është krijuesi dhe pronari i vërtetë i tyre. Me këtë ai ka nën posedim tokë ,
por nën kufizime si p.sh : mund të posedojë tokë vetëm nëse është pjellore (
kjo vlen për bujkun) ; kur nuk e shfrytëzon ose nuk është pjellore , duhet ta hekë
atë tokë nga posedimi.
Pejgamberi a.s.
ka paralajmëruar ndërgjegjen njerëzore para Zotit , përderisa ai përgjithmonë
është i nënshtruar ndaj Zotit. Me këtë thotë:” Nëse vjen dita e Gjykimit dhe
një besimtar ka në dorë një fidan për të mbjell para se të vijë ajo ditë , le
ta mbjellë edhe atë fidan.” , duke sugjeruar se edhe atëherë kur njerëzimi
është para shkatërrimit , duhet të mbahet zhvillimi i natyrës. Besohet se
natyra vetvetiu është e mirë , edhe nëse njeriu asnjëherë s`ka pasur asnjë dobi
nga ajo natyrë. Njashtu Pejgamberi a.s. ka urdhëruar besimtarët që të ndajnë
resurset tokësore. Ka thënë:” Muslimanët kanë të drejta të njëjta ne tre gjëra:
ujin , pasurinë dhe shtëpinë.” Pakësohen mëkatet ose shtohen nëse të eturve për
ujë ia ndalojmë ujin.
3. Mbajtja e
tokës për ta shfrytëzuar
''Toka është
vendi ku më është bërë obligim falja e namazit dhe mjetë i pastërtisë “
(Buhariu, I:331)
Ky hadith i
Pejgamberit a.s. thekson dyanshmërinë e tokës jo vetëm si tokë e pastër , por edhe
si mjet për të arritur deri tek pastërtia. Kjo dukshmëri është e vërejtur edhe
gjatë tejemmumit një larje simbolike me dhe` në mungesë të ujit për abdes.
Pejgamberi a.s.
ka theksuar se toka është nën posedim të njerëzve , por njashtu ka aluduar në
atë se nuk guxon kjo tokë të shfrytëzohet tejmase sepse edhe ajo ka të drejtat
e saja , drunjtë që gjenden në të dhe kafshët e egra që jetojnë në të. Si do
t`i mbronte tokën , pyllin dhe botën e egër , Pejgamberi a.s. ka formuar një
zonë preventive të njohur si hima ose harem ( ndalesë) , në të cilin resurset
duhet të mbikëqyren. Kësi forma ende sot e kësaj dite ekzistojnë: harem zona shpesh
caktohet kur ka mungesë të ujit dhe në këtë mënyrë krijohen rezervat e ujit
duke u ruajtur disa bunarë dhe burime të ujit për një periudhë të ardhme. Hima
janë marrëdhënie në zona malësore , dhe shpesh herë veprohet për ta ruajtur një
lloj ose sojë të caktuar të kafshëve të cilët janë të paktë në rruzullin
tokësor ose në atë rajon. Pejgamberi a.s. nuk është ndalur vetëm në ligjërimin
e asaj se si duhet të shfrytëzohet toka pjellore , por ka theksuar deri tek
ithtarët e tij edhe për vlerat që do të lindin nga zhvillimi i kulturave të
reja bujqësore në tokën e pashfrytëzuar ; mbjellja e fidanëve të reja , livrimi
i tokës dhe ujitja e saj:” Cili e ngjallë një tokë të vdekur , për atë do të
shpërblehet.”
4. Mbrojtja e
ujit
Në kushtet e
pamëshirshme të shkretëtirës në të cilën Pejgamberi a.s. ka jetuar , uji ka
qenë sinonim i jetës. Uji , ashtu siç thekson Kur`ani është dhuratë nga Zoti
dhe burim i jetës në rruzullin tokësorë:
“A nuk e dinë
ata, të cilët nuk besuan se qiejt dhe toka ishin të ngjitura, e Ne i ndamë ato
të dyja dhe ujin e bëmë bazë të jetës së çdo sendi; a nuk besojnë?”( Enbija:30)
Kur`ani gjithmonë
i përkujton besimtarët se ato janë rojtarët e krijesave të Zotit në rruzullin
tokësor dhe ato asnjëherë nuk duhet të llogarisin për dhunti të përhershme në
këtë botë:
“A e shihni ujin
që po e pini? A ju e lëshoni atë prej reve, apo Ne jemi që e lëshojmë? Sikur Ne
të dëshirojmë, e bëjmë atë të njelmët, përse nuk falënderoni?”( Vakia: 68-70)
Kursimi i ujit
dhe pastrimi i saj për Pejgamberin a.s. ka qenë njëra prej pyetjeve të
rëndësishme: e pamë se mbrojtën dhe shfrytëzimin e ujit Pejgamberi a.s. e ka venduar
në zonën harem. Por , edhe atëherë kur ka ujë me bollëk , ai ka porositur në
kursimin e tij. Me këtë ai ka urdhëruar që besimtarët të marrin abdes në pjesë
të caktuara të trupit duke pastruar ka tre herë edhe nëse merr abdes në afërsi
të ndonjë lumi.
5. Qëndrimi ndaj
kafshëve
"Nëse dikush
në të padrejtë e vret një zog , dhe jo diç më të madhe , do të jap llogari para
All-llahut xh.sh.”( Hadithi gjendet në përmbledhjen Mishkatul-Mesabih)
Ky hadith përmban
në vete një dashuri dhe sinqeritet të madh që ka pasur Pejgamberi a.s. ndaj
kafshëve. Ai ka besuar se ashtu si ai që është krijuar dhe është i rëndësishëm
edhe krijesat tjera gjegjësisht kafshët duhet të trajtohen në këtë segment.
Hadithi përmban shumë urtësi në lidhje me raportet tona ndaj kafshëve. Në veçanti
Pejgamberi a.s. i ka kushtuar rëndësi edhe deveve : pasi që edhe ato janë
udhëtare me në nëpër beteja të ndryshme.
Pejgamberi a.s.
ka treguar dhembshuri edhe për ato kafshë që kemi të drejtë t`i therim. Edhe
pse nuk ka qenë vegjetarian , ka qenë përfundimisht i ndjeshëm në lidhje me
kafshët , kështu na mëson hadithi. Me këtë ka urdhëruar që të kihet kujdes
gjatë therjes së kafshëve dhe ka venduar rregulla dhe kushte se si do të
veprohej gjatë therjes , në këtë mënyrë duke mënjanuar sa më shumë rrugët që çojnë
deri në dhimbje më të mëdha të kafshëve. Kështu ka theksuar se një kafshë nuk theret
para një kafshe tjetër dhe se thikat duhet mprehur jo para syve të kafshëve të
cilët duhet therur.
Përktheu e përshtati: Hamdi Nuhiju
No comments:
Post a Comment