Hamdi Nuhiju
“ O ashik, ashku
i dha shpirt malit Sina,
Mali u deh,
Musai u përhumb e ra!”
- Gjuha nuk është gjuhë po s`u mbyll me ashkun. Ajo duhet
nxjerr në shesh fjalët e zemrës. E zemra, e cila është boshatisur, e vetmuar, e
alivanosur, nuk di gjuhë tjetër përveç lëngimit. Kjo zemër pa shpirt dhe kjo
gjuhë pa teh është si egoisti në fillim të rrugës e që mbipeshën e malit Sina e
bënë shkrumb e hi. Disa njerëz egërsohen nga ashku, ngaqë kanë frikë. Ata duken
si të humbur e hutuar, ndërsa në të vërtetë janë duke reflektuar realitetin e
tyre të brendshëm. Ashku i dha shpirt edhe malit Sina, pse jo edhe mali i
brengave t`ua të fitoj një shpirt? Ndoshta do të ishte mirë ta ndryshoje kahen
ose rrugën prej brengës e drejt lumturisë.
- E kush nuk dehet nga ashku? As Musai a.s. nuk ishte
imun ndaj tij. Ashku nuk është e keqja e as e urryera. Të urryera janë mendjet,
trupat, shpirtrat e fytyrat e njollosura nga harami.
“ I puqur buzë më
buzë me shokun tim,
Si neji do t`i
thoja fjalët e shpirtit tim”
- Jeta vet është e urryer sipas haditheve të Pejgamberit
alejhi selam. Njeriu duhet që të përzihet me njerëzit, t`i kuptoj ato, t`ia heq
brengat nëse ka mundësi, ose po nuk pati
mundësi së paku mos t`i bëhet brengë. Edhe shoku, edhe vetvetja janë dy
kategori shpirtërore. Shpirtërore është gjithçka që lidhet me ashkun.
Fjalët janë produkti kryesor i lëmoshës. Edhe buzëqeshja është
lëmoshë, ndërsa urrejtja lidhet edhe me veprimin. Fjalë pak dhe fjalë ëmbël janë
të dashuruarit pas rrugës Hyjnore. Ata kujdesen për të mos lënduar të tjerët,
si dhe me fjalë e vepra shprehin dashurinë e tyre. I dashuri i Allahut,
Pejgamberi Muhammed alejhi selam, ky pishtar ndriçues, na mësonte për dashurinë.
‘ Shprehja dashurinë atij që e do’, a nuk ishin këto fjalë shërim të nxjerra
nga mjeku i zemrave?
“ I ndari nga
shoku që flet të njëjtën gjuhë,
Sado gjuhë të
dijë, mbetet i pagojë!”
- Ndarja është botë e ç`ekuilibruar. Hallalli më i urryer
tek Zoti është ndarja. Edhe hallall edhe i urryer. Edhe i lejuar edhe i
ndaluar. Edhe mundet edhe nuk mundet. Kjo botë nuk është një ngjyrëshe. Realiteti
në të, nuk shikohet vetëm në njërën anë. Interpretimet për të, nuk mund të janë
të sakta vetëm nga njëra palë. Njerëzit në të, nuk mund gjithmonë të kanë të
drejtë, po ama edhe nuk mund gjithmonë të janë gabim. Këtu ndërhynë ashku, që bën
lidhjen midis botëve duke mos lejuar ç`këputjen.
“ Trëndafili
thau, kopshtet mbetën shkretë,
Bilbili heshti, rënkimin
e la, sa keq!”
- Trëndafili i pa ujitur thahet. Kopshtet nuk mund të lulëzojnë
pa mbretin e luleve. Në rrethana të këtilla bilbili hesht, nuk mund të rënkoj e
as të këndoj. Ka dal në shesh urrejtja, hallalli më i urryer.
No comments:
Post a Comment