Hamdi Nuhiju
Përplasja midis lëvizjes Gulen dhe qeverisë së Erdoganit është
interpretuar në mënyra të ndryshme. Zakonisht interpretimet logjike dhe
objektive janë kuptuar si anime, ndërsa vet komentet e disa individëve dhe
grupeve të caktuara kanë qenë anim.
Njeriu objektiv nuk guxon që të kapet pas blasfemisë dhe
ofendimit. Ai në mënyrë reale duhet që ta shikoj situatën e krijuar në Turqi. Nëse
është në interes të Islamit dhe myslimanëve rrëzimi i Rexhep Tajip Erdoganit,
atëherë ajo gjë do të shihej prej brenda Turqisë dhe do të ndodhte pa nxitur debate. Por, nga përvoja e di, se e
gjithë bota islame ka frymuar lirshëm duke treguar identitetin islam, pas
ardhjes në pushtet të Erdoganit.
Mjafton që të hulumtohen gazetat shqiptare e maqedonase të
Maqedonisë në epokën para dhe pas Erdoganit, e secili njeri me mend do të shoh
dallimin. Njerëzit ishin të lirshëm në shprehjen e identitetit të tyre islam,
ishin të lirshëm në kërkesat e tyre fetare, ishin të lirshëm në qasjen e tyre
produktive drejt një botëkuptimi më demokratik. Ndërsa, periudha para
Erdoganit, ishte periudhë me gazeta e media të errëta dhe të mbyllura për zërin
e myslimanëve.
Epoka e Erdoganit nxori në shesh dinjitetin e myslimanëve
dhe nuk kërkoi që ai dinjitet të fshihet, e të lyhet me makijazh laik. Paramendoni
sikur të jetonim me një lider tjetër në këtë kohë krize ekonomike, ku njerëzit do
të kishin frikë të shprehnin dhe të përcaktoheshin edhe për identitetin e tyre?
Përgjigja do të ishte: asimilim i identitetit mysliman.
E fshehta, ose e padukshmja tek njerëzit, zakonisht
krijon dyshime, ndërsa fetarisht e dimë se dyshimet janë arma më e fuqishme e
djallit. Identitetet me pikëpyetje të shumta mbi to, si kush janë ato, çka përfaqësojnë,
si veprojnë, kanë i kanë miq dhe kanë i kanë armiq, ujin e turbullt e turbullojnë
ende më shumë.
Nuk mund të kuptoj si mund të jemi të ashpër ndaj myslimanëve
dhe të mëshirshëm ndaj armiqve? Islami nuk i urdhëron besimtarët që të janë të ashpër
ndaj njëri-tjetrit dhe të mëshirshëm e të butë ndaj armiqve. Kjo filozofi nuk
mund të ketë të përbashkët me Islamin. Mund të jetë krijesë e një koke gjeniale
njerëzore me aftësi mendore njerëzore, por nuk mund të jetë krijesë e thellë
dhe strategjike që është në përputhje me interesat e Islamit dhe myslimanëve.
Temë e debatit Gulen vs. Erdogan nuk duhet të janë këto
dy protagonist kryesor, por disa komentues që anojnë qorrazi në rrugën e
interpretimeve vetjake.
Do t`i përmend disa cikërrima të vogla:
1. Teknologjia paska nxjerr ‘analist’ që flasin kundër dijetarit Gulen. Ky paragjykim ose interpretim
i gabuar dhe me ofendim, nuk ka asgjë të përbashkët me mësimet islame. Teknologjia
ishte ajo e cila e shpalli Gulenin në vitin 2008 si personalitet të vitit. E dimë
fortë mirë se sa propagandë teknologjike është bërë për të votuar për
personalitet të vitit për Fetyllah Gulen. Në mesin e tyre që ka votuar kam qenë
edhe unë në vitin 2008. Si është e mundur që teknologjia në atë kohë të dinte të
dallonte vlerat e vërteta dhe të përcaktohej drejt, ndërsa sot ku është në
pyetje nxjerrja në shesh e një kurthi ndaj myslimanëve, po prodhon ‘analist’?
2. Anim kah më i forti. Edhe ky paragjykim është i
gabuar. Në rastin konkret më i forti është dijetari Fetyllah Gulen dhe jo
Rexhep Tajip Erdogan. Së paku në librat e Gulenit njeriu e mëson se pushteti i nënshtrohet
dijes dhe dijetarët janë përmbi pushtetin e jo e kundërta. Njerëzit kur përcaktohen
për Rexhep Tajip Erdoganin, ose ky i fundit është pushtetar i drejtë, ose ai i
pari, pra Fetyllah Gulen nuk është shumë i sinqertë ashtu si ‘duket’.
3. Ka shkruar mbi 70 libra, është i paprekshëm. D.m.th është
shenjtor. Deri tani askush nuk ka mohuar dijen e Gulenit dhe sipas parimeve
islame asnjë njeri nuk është i paprekshëm. Islami erdhi në këtë botë për t`i
thyer mitet dhe kur përmendi mësimet islame, i përmendi ato të mësuara nga
librat e Gulenit. Ndërsa kur dikush krijon mit, atëherë sipas librave të
Fetyllah Gulenit bie ndesh me parimet islame.
Nuk e kam pasur në plan të shkruaj dhe të ‘anoj’ edhe unë
në këtë temë. Por në këtë pikë më nxitën disa gulenist pa nevojë.
No comments:
Post a Comment