Hamdi Nuhiju
E mërkurë, 16.07.2014, Kumanovë
I vogël në mëkate, i madh në
sevape. I vogël në prishjen e rendit, i madh në rregullimin e safeve. Safet e
besimtarëve janë safe ushtarësh që presin urdhrat e komandantit suprem. Thirrjen
për në xhenet e përjeton njeriu që është në gjendje adhurimi.
Më shumë të tjerët të respektojnë
në Ramazan, sesa të respektojnë njerëzit që i përkasin identitetit tënd. Ata kanë
vendosur rregulla të ndryshme se si t`i respektojnë myslimanët gjatë muajit të
Ramazanit, ndërsa një pjesë prej myslimanëve, kanë prishur rregullat e agjërimit.
Ata kanë dal kundër besimtarëve me qëndrimet e tyre. Mund të themi lirisht se qëndrimi
i tyre është edhe kundër Zotit.
Sheh fëmijë rrugëve të gëzuar dhe
duke e pritur iftarin. Në anën tjetër sheh të mëdhenj të cilët pa fije turpi
dalin rrugëve, ndezin cigare, ofendojnë besimtarët e besimtaret dhe në fund ta urojnë
Bajramin?! Shumë gjëra në këtë botë janë për t`u habitur.
Njeriu duhet që të vetëdijesohet përfundimisht.
Atij ditët po i ikin. Koha po i matet sekondë pas sekonde. Dhe vjen fundi, ku hapësira
e pendimit është shumë e ngushtë. Shpirti të gjendet në fyt.
Logjika e përbuzjes të vlerave
islame, po ashtu edhe të vlerave tjera është logjikë egoisti. Je vendosur për muri, nuk njeh askënd pos
egos, ose unit tënd. Kujton se në atë mënyrë mund të bashkëjetosh me të tjerët.
Kujton se në atë mënyrë mund të kontribuosh për shoqërinë. Kujton se në atë mënyrë,
duke nënvleftësuar gjithçka që ty nuk të pëlqen, mund të pritesh vlerësim prej
të tjerëve.
Thotë Allahu xh.sh. në Kur`an:” A
janë të sigurt ata se nuk do t`i godasë një dënim gjithëpërfshirës nga Allahu
apo që nuk do t`u vijë papritmas Ora, ndërkohë që janë të pavetëdijshëm?” (
Jusuf:107)
Asnjëherë mos u siguro në
vetveten e veprat e tua të shëmtuara. Në këtë botë gjithçka është e sigurt pos
vetvetes tënde. T`i je më i pasigurti, pasiqë nuk je vetvetja. Nuk je lënë në
vullnetin tënd deri në frymën e fundit. Por para vetes ke edhe djallin e
mallkuar i cili është i afatizuar deri në Ditën e Llogarisë për të mashtruar.
T`i gjithçka mund të pretendosh
se dinë, pos çastit se kur do të ndërrosh jetë. Ajo gjë është e fshehur dhe të
vjen papritmas. Ajo gjë nuk është e lidhur as me moshën e as me gjendjen tënde shpirtërore. Ka shumë raste tek njerëzit ku njerëzit vdesin
të rinj, ose të moshuar. Vdesin në paqe dhe harmoni shpirtërore me Zotin, ose në
konflikt dhe luftë të vazhdueshme. Vdesin në gjendje adhurimi ndaj Allahut, ose
mëkati të bërë me vetëdije ose pavetëdije.
Atë ditë kur të vije papritmas Ora,
duhet që të jemi të përgatitur. Ne nuk guxojmë që të jemi neglizhent me fatin
tonë. Po qe se neglizhojmë vetveten, ia kemi pikturuar fatin përgjithmonë në
Xhehenem. Dhe kjo gjë nuk është tregti e mirë.
No comments:
Post a Comment