Hamdi Nuhiju
E shtunë,
05.07.2014
Për ta kuptuar dikë mirë, duhesh
të jetosh me të. Përveç kësaj duhesh që ta duash atë me të cilin jeton, që të bëhesh
fryma e tij me të cilin frymon, zemra e tij me të cilën rrah, syri i tij me të
cilin sheh.
Qëllimi është tek kuptimi. Kur njerëzit kuptohen ndërmjet veti,
jetojnë të lumtur, në harmoni të plotë dhe pa probleme. Ndërsa kur lindin
keqkuptime, lindin probleme, përçarje, të shara e ofendime.
Omer ibn Abdulazizi r.a., halifi
i pestë i myslimanëve, i pranuar prej të gjitha gjeneratave të myslimanëve deri
në ditën e kiametit si halife, arriti suksese në qeverisjen e tij pasiqë kishte
një elan të madh për të kuptuar brengat dhe hallet e njerëzve. Ai edhe sillej
me rreth të tillë. Në kuadrin e qeverisë së tij nuk pranonte njerëz të ashpër,
por edhe jo të dobët.
Të kuptuarit është mirësia më e
madhe. Ajo shkon thellë në zemrat e njerëzve, gjenerohet në mendjen e tij dhe
del në pah në raportet midis njerëzve. Ai që kupton raportet njerëzore dhe
shpirtërore, ka arritur që të depërtoj thellë në esencën e mbijetesës natyrore
të tyre.
Keqkuptimi është më e rëndë se
vrasja. Përmes vrasjes ia merr mëkatet mbi supe një njeriu, ndërsa përmes
keqkuptimit, përveç mëkateve të tij, i merr edhe mëkatet e të tjerëve për
turbullirën që shkakton prej keqkuptimit.
Ka disa gjëra që duken të
palogjikshme, ndërsa në fakt, fshihet një fshehtësi e madhe mirësie në to.
Ndërsa disa të tjera edhe pse duken të logjikshme janë sherr në vetvete dhe
krijojnë turbullira në mesin e besimtarëve mysliman.
Të kuptosh e të keqkuptosh janë
dy kategori në të cilat njeriu e peshon dijen dhe ndjenjat e tij. Nëse arrin që
t`i disiplinoj ndjenjat, arrin që të kuptoj shumë mirë pa pasur nevojë për
keqkuptime. Ndërsa nëse ndjenjat e tij e hutojnë mendjen dhe zemrën, lindin
keqkuptime dhe shumë lehtë njeriu mund të manipulohet në çdo sferë të jetës.
Të kuptuarit dhe interpretimet
janë rrënja e degët. Interpretimet janë degë e të kuptuarit të një problematike
ose esence. Degët gjithmonë janë të ndryshme, ndërsa esenca është e njëjtë. Për
shembull është një lajm i njëjtë i paraqitur në media, ndërsa interpretimi i
atij lajmi bëhet në mënyra të ndryshme. Interpretimi sa më i saktë i ngjarjes
ose të kuptuarit, është interpretim më i dobishëm për njeriun. Interpretimi me
qëllim devijimi ose largimi nga esenca ose të kuptuarit është interpretim
vetjak për të kënaqur epshet.
Myslimanët kanë shkencën e të
kuptuarit, të interpretimit, madje kanë shkencë edhe të krahasimit të
interpretimeve. Si në të kaluarën po edhe në të tashmen, problemet më të mëdha
ndaj myslimanëve kanë dal nga interpretimet e ndryshme e që janë larguar shumë
nga esenca.
Dikush manipulon me masat dhe
ndjenjat e njerëzve duke u thirrur në vlerat e Islamit. E vet-shpallë veten udhëheqës
të myslimanëve të mbarë botës në një moment kur askush nuk e njeh.
Islami nuk është ashtu si na
transmetojnë mediet e huaja përmes agjendave të këtilla, por është ajo që na
mësojnë dijetarët e drejtë e të ndershëm.
No comments:
Post a Comment