Hamdi Nuhiju
Këtyre ditëve në
opinion u shpërnda një anketë anonime, fiktive e cila nuk përmbante elementet
bazë të një ankete ku përmendej përkrahja e Ragmi Mustafës në zgjedhjet e
ardhshme lokale në Luginën e Preshevës me 53.3%.
Kjo anketë e
dyshimtë e cila nuk përmbante asnjë element të një ankete të thjeshtë,por ishte
krejtësisht fantome, tregon për frikën dhe panikun që ka kapluar Ragmi Mustafën
dhe partinë e tij në zgjedhjet e ardhshme lokale që do të mbahen në Preshevë me
24 prill të këtij viti.
Është pak e pakuptimtë
se Ragmi Mustafa të ketë një përkrahje të tillë në momentet kur të gjithë
faktorët relevant kombëtar dhe ndërkombëtar kanë nxjerr në shesh dallaveret dhe
mashtrimet e Ragmi Mustafës. Si mund që të interpretohet ndryshe kjo anketë
fantome kur vet presidenti i Republikës së Shqipërisë, Bujar Nishani ndez
alarmin për shpërnguljen e banorëve të Luginës së Preshevës dhe përmend
politikat e këqija që kanë ndikuar në këtë gjë?
Si faktor kryesor
për shpërnguljen e shqiptarëve nga Lugina e Preshevës, presidenti Nishani
përmend pa punësinë në kohën kur me Preshevën po sundon Ragmi Mustafa.
Apo ndoshta Ragmi
Mustafa mishërohet me përrallën rome të dhelprës e cila ishte kthyer nga Haxhi.
Për ata që nuk e kanë dëgjuar atë përrallë shkurtimisht po ua përcjell. Një dhelpër
dinake kishte shkuar në Haxh. Pasi që ishte kthyer prej Haxhi, vishet si një
plak e mjerë e cila ka nevojë për ndihmë. Futet në kotecin e pulave dhe kërkon
ndihmë prej pulave si një plak e mjerë. Pula më e vjetër kërkon nga pulat tjera
që të mos mashtrohen prej pamjes së ajo nuk është plakë, por është dhelpra, ja
shikojani bishtin. Dhe se ka ardhur për t`i ngrënë të njëjtat. Dhelpra
përfundimisht e pranon, por thotë se ka qenë në Haxh dhe i ka lënë punët e
këqija. Ajo tanimë nuk ha pula, por seriozisht i duhet ndihma e tyre.
Gjeli i papërvojë
mashtrohet prej kësaj pamje dhe rrëfimi të dhelprës dinake dhe i afrohet për
t`i ndihmuar. Dhelpra kërkon që t`ia tregojnë rrugën për në kopshtin zoologjik
në qytet, pasi që ajo nuk e dinte. Nisen për në rrugë, ndërsa dhelpra dinake
ngadalësohet me qëllim që të errësohet. Ia arrin qëllimit. Kërkon nga gjeli që
të pushoj ajo së bashku me gjelin. I thotë gjelit pusho ti dhe nesër në mëngjes
nisemi për në rrugë deri te kopshti zoologjik. Sa të shtrihet gjeli në errësirë,
dhelpra ia lëshon kthetrat dhe tenton që ta haj. Gjeli shpëton me një mijë
probleme, por e kupton se dhelprën dinake as Haxhi nuk e përmirëson.
Shkurtimisht ky
është rrëfimi për dhelprën e kthyer nga Haxhi. Ky rrëfim ngjason me situatën
aktuale politike në Luginën e Preshevës. Ragmi Mustafa po tenton që të
paraqitet si një dhelpër dinake për të mashtruar popullatën e mjerë të Luginës
së Preshevës përmes sondazheve anonime dhe për t`i hedhur pluhur rritjes së
vazhdueshme të Alternativës për Ndryshim në krye me liderin e saj Shqipërim
Arifit.
Por, ashtu si
ishin të zgjuara pulat, me përjashtim të gjelit që e pësoi rëndë, besoj se edhe
popullata e Luginës së Preshevës do të jetë mjaft e zgjuar që me 24 prill t`ia
tregoj rrugën e vërtet dhelprës dinake të quajtur Ragmi Mustafa.
No comments:
Post a Comment