Hamdi Nuhiju
Nëse pyesim
politikanët, juristët dhe ekspertët e fushës në Republikën e Maqedonisë për
problematikën e lirimit prej tatimit të shoqatave humanitare menjëherë do të përmendin
rregullativën ligjore dhe tri format e mundshme të lirimit prej tatimit.
Ata do të thuan
se ligjërisht kjo gjë është e mundur dhe disa prej tyre do të kanë mundësi që në
detaje të sqarojnë procedurën, disa jam i bindur se edhe pse janë ekspert të
fushës, nuk i dinë dallaveret dhe mashtrimet që fshihen në zbatimin e ligjeve të
kësaj sfere.
Politikanët shqiptar
në Republikën e Maqedonisë gjithmonë kanë pasur synime strategjike për të marr
digastere të caktuara duke menduar dhe duke u bazuar në idenë se në atë mënyrë
aty ku shqiptarët janë më të diskriminuar do të kishin mundësi që të
largoheshin diskriminimet. Përkundrazi, gjithmonë kur janë bazuar në atë logjikë,
shqiptarët pikërisht nga ato digastere kanë qenë gjithnjë e më të diskriminuar.
Për shembull,
shqiptarët kanë synuar që ta marrin digasterin e ministrisë së drejtësisë dhe
ia kanë arritur qëllimit duke pasur ministra e zëvendës ministra shqiptar. Kanë
pasur edhe digasterin e arsimit, mbrojtjes, transportit dhe lidhjeve, punëve të
brendshme, por asnjëherë nuk është synuar që të merret digasteri i punës dhe
politikës sociale.
Po qarkullojnë
informacione në rrethin e gazetarëve se tash në formimin e qeverisë së re po
synohet që të merret digasteri i financave dhe kryetari i Parlamentit, ndërsa në
digasteret tjera shqiptarët do të kanë kërkesa më të vogla.
Ajo që po harrojnë
thuajse të gjitha subjektet politike shqiptare në Maqedoni është rroli i
shoqatave humanitare të cilat po mundësojnë që të thithin donacione dhe mbajnë
gjallë me mijëra familje të varfra e financojnë student. E vetmja gjë e
prekshme në popullatën shqiptare në Maqedoni është dora e shoqatave humanitare
e shtrirë dhe zgjatur në secilin cep të Maqedonisë. Politika ndaj kësaj dore po
sillet e shurdhër, pa veshë dhe diskriminuese. Asaj nuk po i intereson që
mekanizmin e vetëm që e kanë në dorë shqiptarët për mbijetesë ta zhvillojnë dhe
mirëmbajnë, por janë futur në labirinthe të kërkesave të çuditshme.
Pse në platformën
e partive politike shqiptare mungon sfera sociale e shqiptarëve të Maqedonisë? Dikush
mund të jap përgjigjen se në atë platformë kërkohet barazi e plotë ekonomike,
dhe në këtë mënyrë shqiptarët më nuk do të ishin rast social, por do të flitej
për të drejta dhe obligime që i takojnë një punëtori dhe punëdhënësi.
Sfera ekonomike që
po ëndërrohet në platformën e partive politike shqiptare është ëndërr përballë
sferës sociale reale e cila po myket dhe diskriminohet deri në skaj nga ana e
subjekteve politike shqiptare dhe maqedonase.
Nga praktika e
deritanishme mund që të numëroj mbi 50 organizata humanitare shqiptare në
Maqedoni që kanë aplikuar për t`u liruar prej tatimit dhe nuk iu është mundësuar
kjo e drejtë? A thua a nuk brengosen aspak asnjë subjekt politik shqiptar për këtë
fakt?
Këto shoqata
humanitare edhe përskaj presioneve të shtetit dhe problemeve burokratike që iu
janë caktuar përmes ligjeve diskriminuese dhe mos interesimit të subjekteve
politike shqiptare janë duke e vazhduar veprimtarinë e tyre humanitare. Paramendoni
sikur të mos ekzistonin në terren dhe të gjithë të varfrit shqiptar të liheshin
në mëshirën e ministrisë së punës dhe politikës sociale. Paramendoni sikur këto
të varfër shqiptar, në pamundësi të mbijetesës së tyre të detyroheshin për të
marr veprime që do ta dëmtonin vetveten, kombin shqiptar dhe Republikën e
Maqedonisë.
Me mos
interesimin e subjekteve politike shqiptare për organizatat humanitare mund të
themi se po synohet që këto organizata të zhduken nga skena dhe shqiptarët të
radikalizohen.
No comments:
Post a Comment