Hamdi Nuhiju
Politikanët shqiptar
dhe maqedonas në Republikën e Maqedonisë janë bërë sinonim i gënjeshtrës dhe
mashtrimeve të vazhdueshme. Këto elemente në mënyrë mjeshtërore janë fshehur
gjatë kohës së qeverisjes së përbashkët midis subjekteve politike maqedonase
dhe shqiptare.
Nuk do të dilnin në shesh asnjëherë po qe se nuk do të
ndryshonin rrethanat politike dhe të detyroheshin që partitë e dikurshme të
besueshme ndaj njëra-tjetrës të detyroheshin që t`ia kthenin shpinën që ndodhi
midis VMRO-DPMNE-së dhe BDI-së.
Zgjedhjet e
parakohshme parlamentare të mbajtura me
11 dhjetor të vitit 2016 përfunduan me një rezultat zgjedhor që
detyrimisht kërkon ndryshime të spektrit politik. Asnjëra parti politike nuk u
faktorizua as nga shqiptarët e as nga
maqedonasit. Si rezultat i kësaj, 11 dhjetori në vend që të zgjidhte krizën
politike në vend ajo ka thelluar edhe më tej duke mos pasur mundësi që të
formohet qeveria ende. Të gjitha subjektet politike janë futur në lojën e ish
kryeministrit Nikolla Gruevski dhe duken të pa interesuara për të zgjidhur krizën
e thellë politike dhe institucionale që po mbizotëron në Republikën e Maqedonisë.
Deri në këtë pikë
kemi arritur si rezultat i asaj se ish kryeministri Nikolla Gruevski nuk arriti
që të formoje shumicën për të qeverisur edhe në katër vitet e ardhshme. Bisedimet
midis VMRO-DPMNE-së dhe BDI-së për formimin e qeverisë së re janë një shembull
ose pasqyrim i asaj se çfarë lloj politike na është ofruar si popullatë brenda
15 viteve të fundit ose qysh prej vitit 2001 e këndej.
Arsyet e mos nënshkrimit
të marrëveshjes midis BDI-së dhe VMRO-DPMNE-së tashmë janë tre. Një variant e
ka Nikolla Gruevski, tjetrin BDI-ja dhe sot për opinion e bëri publik një
variant tjetër presidenti i Republikës së Maqedonisë Gjorgje Ivanov:
1. Sipas liderit
të VMRO-DPMNE-së
Nikolla Gruevski mos arritja e marrëveshjes me BDI-në ka të bëje për shkak të
Platformës së Tiranës. Gruevski në këtë mënyrë thotë se ai nuk pranon që të kërcënohet
prej shteteve të huaja dhe të pranoje platforma që janë të përgatitura në
shtete të huaja. Ai akuzon LSDM-në dhe BDI-në duke thënë se këto dy parti janë futur
në një lojë të përbashkët e kundër interesave të Maqedonisë. Me këtë koncept
Gruevski ka organizuar edhe protestat e ndryshme anti shqiptare në tërë
territorin e Republikës e Maqedonisë që janë duke zgjatur sot e kësaj dite dhe
nuk dihet se si dhe kur do të përfundojnë.
2. Sipas liderit
të BDI-së,
Ali Ahmeti, arsyeja e mos arritjes së marrëveshjes me VMRO-DPMNE-në është
Prokuroria Speciale Publike. Ahmeti ka kërkuar në bisedime zgjatjen e mandatit
të Prokurorisë Speciale Publike si dhe edhe themelimin e Gjykatës Speciale e
cila njëherë e përgjithmonë do të zbardhte të gjitha akuzat që janë duke e cenuar
imazhin dhe dinjitetin e tij si lider partie, por edhe të partisë së tij. Kjo mënyrë
sipas liderit të BDI-së, Ali Ahmeti do t`i ndihmonte procesit të zgjidhjes së të
gjitha shpifjeve sipas tij, pastrimit të radhëve të BDI-së si dhe vazhdimit të rrugës
së saj drejt integrimit të Maqedonisë në NATO dhe në BE si një prioritet
strategjik i kësaj partie.
3. Presidenti
i Republikës së Maqedonisë, Gjorgje Ivanov në një intervistë për një medie
gjermane ka folur rreth krizës politike në Republikën e Maqedonisë. Sipas tij, gjithçka
ka qenë gati për të përfunduar marrëveshja me BDI-në për t`u formuar qeveria e
re e dalë prej zgjedhjeve të 11 dhjetorit po të mos ishte një telefonatë e cila
ka prishur gjithçka. Ivanov nuk sqaron se kush e ka bërë atë telefonatë dhe kujt i ka cingëruar telefoni.
Dhe si përfundim marrëveshje
BDI-VMRO-DPMNE nuk ekziston. Qeveria teknike edhe pse i ka skaduar mandati ende
është aktive me ministrat e BDI-së dhe VMRO-DPMNE-së. Në opinion kemi tre
variante krejtësisht të ndryshme për atë se nuk u arrit marrëveshje midis BDI-së
dhe VMRO-DPMNE-së.
Lexuesi i
kujdesshëm mund që të pyes:
A) Pse ekzistojnë
tre variante krejtësisht të kundërta midis këtyre dy partive politike, kush po gënjen?
B) Pse nuk u
prish qeveria teknike edhe pse nuk u arrit marrëveshja për qeverinë politike, a
ka marrëveshje që opinioni nuk di për të?
C) A e ka hetuar
këtë gjë LSDM-ja që duket krejtësisht e pa interesuar për të zgjidhur krizën politike
duke përgatitur një plan se si t`i fitoje zgjedhjet e parakohshme parlamentare
që do të mund të mbaheshin së bashku me zgjedhjet lokale?!
No comments:
Post a Comment