Hamdi Nuhiju
Sipas medieve të
afërta me BDI-në, kjo parti është futur në bisedime me PDSH-në e Menduh Thaçit
ku nuk dihet tema e diskutimeve. Supozohet se temë e diskutimeve midis dy
partive është ndarja e kulaçit qeveritar midis
BDI-së dhe PDSH-së.
Përndryshe pak
kohë më parë u mundësua formimi i qeverisë ku në të po participojnë, LSDM-ja
dhe Koalicioni për Maqedoni më të mirë, BDI-ja dhe Aleanca për Shqiptarët.
Qeveria edhe pse
i ka vendosur vetes emrin reformatore, me kuadrot e ministrave, sidomos nga
radhët e BDI-së, me ministrin e ekologjisë, Sadulla Duraku është dëshmuar se është
shumë larg reformimit. Po ashtu edhe Bujar Osmani dhe Hazbi Lika janë emra të
njohur dhe konsumuar politikisht nga ana e kuadrove të BDI-së.
Lajmi për
bisedimet midis PDSH-së dhe BDI-së në kohën e ndarjes së kulaçit qeveritar sa
duket senzacional mban në vetvete edhe shumë supozime dhe matematika të
ndryshme politike. Njohësit e rrethanave politike kanë ngritur disa supozime për
këtë takim të cilat mund të mos janë të vërteta:
1. BDI do t`i
afroj disa drejtori PDSH-së në këmbim të përkrahjes së saj në zgjedhjet lokale
në Tetovë: Ky supozim thotë se edhe përskaj asaj se Teuta Arifi është përfolur
shpesh herë si ministre e ardhshme në qeverinë e Zaevit, nga BDI-ja kanë ngulur
këmbë që ajo të garoje për Komunën e Tetovës. BDI-ja që sheh rrezik nga Lëvizja
Besa në të gjitha komunat shqiptare në Maqedoni variantin më të sigurt në Tetovë
e sheh kryetaren aktuale Teuta Arifi. Për t`ia lehtësuar fitoren Teuta Arifit,
ky supozim thotë se BDI-së do t`i duhet ndihma e afër 5.000 votave të PDSH-së në
Tetovë që mund të janë vendimtare.
2. BDI përmes
PDSH-së në qeveri tenton ta rrëzoj Zaevin: Dihet mirëfilli politika kundërthënëse
e PDSH-së e cila vazhdimisht ka thënë diçka tjetër prej asaj që ka punuar. Duke
e ditur këtë gjë, BDI-ja është bazuar në PDSH-në, sipas këtij supozimi për t`i
kryer shërbimin e fundit VMRO-DPMNE-së për ta rrëzuar qeverinë e Zaevit. Në këtë
mënyrë, BDI-ja, PDSH-ja dhe VMRO-DPMNE-ja do të kishin rejting të rritur te
elektorati i tyre votues.
3. BDI tenton ta
forcoj financiarisht PDSH-në për ta kthyer në opozitë kundër Lëvizjes Besa: Në
zgjedhjet e fundit parlamentare, PDSH-ja është dobësuar dukshëm. Rezultati zgjedhor
ku me zor i fitoi 2 deputet tregon një realitet të hidhur në këtë parti. Në qarqe
të ndryshme intelektuale dhe mediale, PDSH-ja përflitet edhe për një krizë të
thellë financiare që e ka kapluar këtë parti. Mungesa e parave dhe ikja e
VMRO-DPMNE-së në opozitë, si duket, sipas këtij supozimi, e ka dobësuar dukshëm
financiarisht edhe PDSH-në. Për këtë arsye, BDI-ja po tenton që ta forcoje
financiarisht PDSH-në me qëllim që të qëndroje në këmbët e veta dhe t`i bëje
ballë Lëvizjes Besa. Dhe në fund në vend që Artan Grubi dhe komplet struktura
udhëheqëse e BDI-së të merret me Lëvizjen Besa, me të do të merret një parti e
parëndësishme, e ngordhur por e cila po mbijeton si rezultat i një infuzioni
ekonomik.
Sa për sqarim të
opinionit të mos ngelim borxh për titullin e këtij shkrimi. BDI-ja është gjysmë
e ngordhur në kuptimin e përgjysmimit të votave, ndërsa PDSH-ja definitivisht
ka ngordhur si rezultat i zgjedhjeve të 11 dhjetorit të vitit 2016.
No comments:
Post a Comment