Hamdi Nuhiju
Në secilën përbërje
qeveritare në Maqedoni kemi pasur mundësi që të hasim në një fenomen për të mos
thënë strategji nga partitë politike shqiptare pjesëmarrëse në to ku kanë
nxjerr një person dhe me të janë identifikuar të gjithë ministrat tjerë,
kryesitë e partive si dhe militantët partiak.
Kështu e kemi
patur rastin me Bujar Osmanin, Agim Nuhiun dhe tashmë së fundmi edhe me Arben
Taravarin.
Në kohën kur u
formua LR PDSH-ja unë kam qenë aktiv në punën time si gazetar në periudha të
caktuara në portale të caktuara. Përfaqësuesit politik të LR PDSH-së e dinë
fort mirë se në atë periudhë kam marr shumë prononcime prej tyre dhe jam munduar
maksimalisht të jam korrekt në paraqitjen e ideve dhe programit të këtij
subjekti politik në punën time të përditshme. Asnjëherë asgjë personale me
Arben Taravarin nuk kam pasur dhe asnjëherë nuk do të kam. Situata është e njëjtë
edhe me ish ministrin e punëve të brendshme Agim Nuhiu me të cilin asnjëherë
asgjë personale nuk kam pasur. Përkundrazi para se të ishte ministër kemi pasur
shumë raporte të mira dhe miqësore. Kjo pjesë e shkrimit le të shërbeje si
sqarim për disa lexues që më kanë shkruar në privat dhe publik duke më thënë se
unë kam gjëra personale me Arben Taravarin.
Në momentin që
merr një funksion publik, ti dhe secili funksionar tjetër duhet që të jesh në
sytë e opinionit, e sidomos të gazetarëve ku detyra e tyre është që me vëmendje
të përcjellin secilin aktivitet dhe gabim të funksionarëve dhe personave
publik.
Duke u nisur mbi
këtë bazë, pash disa kontradikta në funksionin politik të ministrit të shëndetësisë
Arben Taravari. Ai nisi një iniciativë i hapur me publikun, por si duket kjo
hapje me publikun ka një qëllim për të neutralizuar zërat që do të kundërshtonin
atë. Hapur me publikun, ku secila kritikë duhet që të dirigjohet ose
kontrollohet në viberin e ministrit ku në këtë mënyrë të neutralizohen kritikat
dhe ministri Taravari lirshëm të menaxhoje me kohën, hapësirën mediatike që po
i afrohet dhe në këtë mënyrë t`i shërbeje kauzës së LR PDSH-së.
Qytetarët shqiptar
të Republikës së Maqedonisë, por në përgjithësi qytetarët e këtij shteti ende
nuk kanë parë asnjë ndryshim në sistemin shëndetësor të këtij vendi. Edhe pse
Taravari ka trashëguar një sistem të kalbur shëndetësor, ai duhet që të jetë
syЗelë dhe vigjilent në zgjidhjen e halleve të qytetarëve.
Në rend dite të
ministrit Taravari duhet që të janë ato rajone dhe vende që janë të dëmtuara më
së shumti, ndërsa pastaj vijnë edhe problemet tjera që janë trashëguar nga e
kaluara.
Ministri Taravari
i gëzoi të gjithë kur tha se do ta departizoje shëndetësinë, ndërsa me caktimin
e drejtorëve në Klinika të Shkupit të funksionarëve të LR PDSH-së si duket ai
nuk e mbajti fjalën.
Po ashtu,
Taravari na gëzoi të gjithëve kur tha se ka penguar rritjen e cmimeve të
barnave, por ai nuk tha asnjë gjë për gjendjen e pandryshueshme me ato barna që
janë katër fish më shtrenjtë sesa në shtetin fqinj, Serbi.
Taravari harroi
Lagjen e trimave ku LR PDSH-ja ka marr vota të konsiduerueshme dhe prej të cilës
Lagje vjen edhe zëvendës ministri i punës dhe politikës sociale që është nga e
njëjta parti. Në këtë Lagje nuk mund që të blesh barna me receptë si në të
gjitha barnatoret normale si dhe në ambulantën e kësaj lagjeje nëse futesh i shëndosh
del i sëmurë prej parregullsive, bërllokut dhe mungesës së dorës së shtetit me
dekada të tëra.
Taravari në tërësi
ka harruar Komunën e Likovës e cila nuk ka repart gjinekologjik një komunë e
dendur me mbi 30.000 banor, ndërsa menjëherë zgjidhi problemin në Komunën e
Shutkës me repartin e gjinekologjisë. Edhe gratë e Shutkës janë të rëndësishme,
por jam i bindur se Arben Taravari ka marr më shumë vota nga Komuna e Likovës
sesa nga Shutka.
Taravari ka
harruar Spitalin Klinik në Tetovë dhe sytë i ka orientuar në Spitalin Klinik në
Shkup. As që përmendet bërlloku dhe parregullsia në Spitalin e Gostivarit e as
që e kam dëgjuar ndonjëherë këtë ministër ose ndonjë kuadër të LR PDSH-së duke
përmendur këtë spital. Si duket, për to gjithcka është në rregull në Spitalin e
Gostivarit.
Ministër Taravari,
jeta e njeriut është shumë e shkurtër. Sidomos funksioni politik i një
funksionari shqiptar është tepër i shkurt. Problemet e trashëguara në sistemin
shëndetësor janë aq të mëdha saqë e di se do të duhen dy jetë për t`i zgjidhur.
Por derisa nuk i cakton prioritetet drejt do të më kesh gjithmonë kundër. Nuk të
bënë ministër votat e romëve, maqedonasve, serbëve, boshnjakëve e turqëve.
No comments:
Post a Comment