Hamdi Nuhiju
Terrorizmi laik
ndaj shqiptarëve të Maqedonisë me dekada është duke u ushqyer dhe mirëmbajtur nga
qarqe të caktuara perëndimore, si dhe nga qendrat e forcës duke përfshirë edhe
pushtetin në Republikën e Maqedonisë.
Ky fenomen i cili
herë pas here del në pah në përmasa dhe forma të ndryshme ka për synim zhdukjen
e jetës publike të shqiptarëve praktikant mysliman të Republikës së Maqedonisë
dhe izolimin e tyre brenda shtëpive, xhamive ose edhe ideve të tyre. Forma dhe
qasja e këtij fenomeni tenton që të zhvesh shqiptarët mysliman të Maqedonisë
ndaj identiteti i tyre fetar duke i bërë që të njihen inferior dhe të heqin dorë
përfundimisht nga vlerat që besojnë dhe bartin.
Për ujitjen e këtij
fenomeni janë derdhur fonde të mëdha nga ambasadat e huaja në Republikën e
Maqedonisë e që janë shndërruar në terme si zhvillimi i demokracisë dhe shoqërisë
civile, gazetaria hulumtuese, përkthyesit profesionist e deri te verifikimi i
lajmeve dhe shpërlarja e trurit deri në përmasa të varësisë ekonomike ndaj
parave të tyre dhe kijimin e një mentaliteti të pastër homogjen jo fetar.
Në librin Fjalor i sociologjisë, autori dr.Ali
Pajaziti(2009), përshkruan shumë bukur laicizmin:
Sot me këtë term kuptohet filozofia shoqërore e abstragimit të fesë prej
jetës shoqërore, e shpëtimit të së drejtës, moralit, politikës, artit prej
ndikimit të fesë.(Shkup, f.350)
Në po të njëjtin libër, Fjalor i sociologjisë,
dr.Ali Pajaziti(2009) jep definicionin e radhës për terrorizmin:
Terrorizmi është shfrytëzim i trembjes, kërcënimit dhe vrasjeve në mënyrë
sistematike për arritjen e synimeve të caktuara politike. Frikë kolektive e
krijuar në shoqëri nga një grup i caktuar për të thyer rezistencën e popullit
ose për dëmtimin e kundërshtarëve politikë.(Shkup, f.735-736)
Si fenomen
terrorizmin laik në Republikën e Maqedonisë ekziston nga elitat e gazetarëve,
intelektualëve e deri te politikanët shqiptar në pushtet. Si rast konkret të
freskët kemi qasjen e liderit të LR PDSH-së, ose Aleancës për shqiptarët,
Zijadin Sela i cili në rrjetin social në Facebook promovon figurën e heroit kombëtar
Skenderbeu për të cilën figurë është duke udhëhequr një debat në qarqet
akademike dhe gazetareske në Shqipëri. Po ashtu në profilin e këtij lideri
promovohen vlera që bien ndesh me parimet ku beson shumica e shqiptarëve të
Maqedonisë, përdorimi i pijeve alkoolike.
Ministri i shëndetësisë,
Arben Taravari, po ashtu kuadër nga LR PDSH-ja duket tejet i ekzaltuar në
rrjetet sociale duke pëlqyer fotografi të Skenderbeut të cilat janë postuar në
momentin e hapjes së debatit mysliman-jo mysliman dhe ai në këtë mënyrë ka marr
anë duke treguar qasjen dhe identitetin e tij anti mysliman.
Gazetar të shumtë
duke nisur nga Nazim Rashidi, Anita Latifi e deri te këto më të voglit, gjithmonë
kur hapen debate ku cenohen të drejtat e shqiptarëve si mysliman janë të zëshëm
dhe në renditje të parët.
Ky terrorizëm i
hapur dhe i orkestruar nuk e ka lënë anash as deputetin Muhamed Zekiri i cili
shpesh herë ka qenë dhe ende është cak i sulmeve dashakeqe për shkak të
mendimeve të tij pro besimtarëve mysliman.
Të mos flasim për
Lëvizjen Besa ndaj të cilës përdoren etiketa të ndryshme si turke, anti
shqiptare, anti kombëtare edhe nga vet liderët partiak të partive shqiptare si
dhe aktivistëve dhe militantëve të flaktë anti fetar. Ata i kanë shpallur luftë
ose me terma tjera kryqëzatë kësaj Lëvizje vetëm pse e njëjta në gjirin e saj
ka njerëz që janë praktikant mysliman.
Më së fundmi
debati për çerdhen Bleta në Cair të Shkupit ka nxjerr në pah fytyrën e vërtet dhe
solidarizimin maksimal të terroristëve laik. Ata përmes zhurmës dhe përdorimit të
kësaj zhurme në rrjetet sociale, të përkrahur edhe nga ministri Arben Taravari
i cili ka pëlqyer me këtë rast fotografi të Skenderbeut,si duket duan që të
thuan se nuk ka vend në Maqedoni për vlerat e shumicës së shqiptarëve të këtij vendi.
Këto terrorist kanë keqpërdorur edhe fotografitë e fëmijëve për të arritur në
synimet e tyre terrorizimin e shqiptarëve që janë praktikant të fesë islame.
Në kopshtin Bleta
shihen disa fëmijë duke falur namazin, por edhe të njëjtës fëmijë duke e
festuar Vitin e Ri. Habitshëm këto terrorist laik të rrezikshëm deri në skaj me
luftën e tyre anti fetare nuk thanë asnjë fjalë për fotografinë ku fëmijët e kësaj
çerdhe festonin Vitin e Ri, por nuk lanë fjalë pa thënë për namazin dhe vlerat
islame të cilat janë kultivuar me shekuj te shqiptarët mysliman të Maqedonisë.
Sidoqoftë këtij terrorizmi
laik i cili normal po fryhet dhe zhvillohet edhe në mediet tona elektronike dhe
ato vizive duhet përgjigjur me maturi dhe mos heqje dorë nga vlerat që besojmë.
Ata që ne kemi në dorë e këto terrorist nuk e kanë janë familjet tona të cilat
duhet t`i edukojmë në bazë të vlerave dhe parimeve që besojmë dhe në këtë mënyrë
të zhvillojmë një shoqëri të shëndosh.
No comments:
Post a Comment