Hamdi Nuhiju
Ministri i dështuar i shëndetësisë, Arben Taravari ka nxjerr në opinion
konceptin e kazan politikës i panjohur për rrethanat reale demokratike, por
mjaft pragmatik për politikat populiste.
Kazan politika e Taravarit në njëqind ditshin e tij si ministër ka
shkaktuar shumë bujë në rrjetet sociale, në shtëpi dhe në qarqe të caktuara,
sikur puna e kazanit që bënë zhurmë me e pa kuptim.
Gjithmonë kur i bie kazanit
ajo bënë zhurmë, me këtë logjikë edhe ministri i kazan politikës ka nisur me
pyetje të mjekëve të tij të cilët japin vet përgjigje.
Kazan politika e Taravarit dëshiron që mendimin kritik ta lëkund nga rrënja
duke e shndërruar nga mendimi kritik në vesvese politike. Dhe në këtë mënyrë do
ta neutralizoje të njëjtën dhe të mos i jap asnjëherë hapësirë pyetjeve të padëshirueshme.
Ministri i dështuar i shëndetësisë, kam dëgjuar se ka vendosur që të kandidoje
në zgjedhjet lokale për Komunën e Gostivarit, dhe ndoshta edhe të gjej përgjigje
për vdekjet tragjike të dy banorëve të Gostivarit, ku ai si Hokus Pokus nuk
mund që të zgjidhte problemet.
Shëtitja në SHBA e ministrit të shëndetësisë kaloi në frymën e gjuhës shqipe,
bëhet-nuk bëhet zyrtare, dalim-nuk dalim nga qeveria. Por, ai nuk gjet ende përgjigje
për atë se Ambulanta në Lagjen e trimave në Kumanovë është para rrënimit,
Komuna e Likovës nuk ka asnjë klinikë gjinekologjie, ndërsa ai bujshëm me
kazanin në duar po flet lart e poshtë rrjeteve sociale për zgjidhjen e
problemit të gjinekologjisë në Shuto Orizari.
Përzierja e ministrit të dështuar të shëndetësisë në politikën redaktuese të
portalit Fol ishte vetëm se një zgjerim i kompetencave të kazan politikës ku
kritika-mos kritika duhet bërë ose nuk duhet bërë. Dhe njerëzit përreth thuan që
t`i japin një shans. Shansin e pat në njëqind ditshin e parë të qeverisë ku nuk
zgjidhi asnjë problem të shëndetësisë në qytetet, vendbanimet e lagjet
shqiptare. Përkundrazi, ai mbahet mend në histori si ministri i parë patriot i
shëndetësisë që në emër të patriotizmit ka larguar një kuadër shqiptar si
drejtor i Spitalit të Kumanovës dhe atë e ka zëvendësuar me një kuadër maqedonas
të LSDM-së.
Në emër të profesionalizmit kazan politika e ministrit Taravari ka nxitur
militantët partiak të thuan se më mirë një drejtor maqedonas sesa drejtori
shqiptar që ishte. Mirë, por a nuk pat kuadro profesionale Aleanca për Shqiptarët
po edhe BDI-ja që në vend të atij drejtori shqiptar të vjen një drejtor tjetër shqiptar?
Po lexoj dhe po habitem se si na ishte lidhur kandidatura e Arben Taravarit
për kryetar të Gostivarit me kandidaturën e Ziadin Selës për Strugën? A mos nënkupton
kjo gjë, gjithmonë sipas portaleve, nëse digjesh ti le të digjem edhe unë, përndryshe
nuk pranoj?
Pse Taravari u dridh para interpelancës së deputetëve të VMRO-DPMNE-së dhe
me shumë nervoz i tha: ja ku jam, në Gostivar dhe në Shkup?
Ministri i dështuar i shëndetësisë, Arben Taravari bën mirë që të pranoj
pak edhe pyetjet e opinionit dhe t`i përgjigjet atyre e jo vet të parashtroj
pyetje e vet t`i gjeje përgjigjet.
Kazan politika e Taravarit nuk po i zgjidh problemet në sistemin shëndetësorë.
E as që do t`i zgjidh problemet në qytetin e Gostivarit nëse eventualisht me
Hokus Pokus zgjidhet kryetar i Komunës së Gostivarit.
No comments:
Post a Comment