Hamdi Nuhiju
Është e habitshme me disa shqiptar të Luginës së Preshevës që po ngrenë pluhur
në opinionin publik, me porosi të strukturave që dhanë gjithçka për shpërnguljen
e shqiptarëve të Luginës së Preshevës në drejtim të panjohur po e turbullojnë ujin
në drejtim të etiketimit dhe sulmit.
Këto shqiptar, fatkeqësisht një pjesë edhe
besimtar, në logjikën që besimtari të sulmon besimtarin, ose besimtari të djeg
besimtarin politikisht, mundohen që të gjejnë gabime dhe tragjedi e nga miu të
bëjnë buall tek Plani Aksional për Luginën e Preshevës. Sipas tyre, Presheva do
të serbizohet, dhe se pragmatizmi i Shqiprim Arifit është për të shpifur.
Ky lloj debati pluhur hedhës dhe dëmtues ndaj interesave të shqiptarëve të
Luginës së Preshevës është i njohur edhe tek ne në Maqedoni ku është ngulmuar në
Platformën e Tiranës, në gjuhën shqipe e ku ta di çfarë. Madje lojtar kyç në
ato takimet e “kryeplakut” (Ali Ahmetit) ishte Vesel Memedi për të cilin janë ngritur
dyshime nga policia e Republikës së Maqedonisë për pjesëmarrje në ngjarjet e
turpshme dhe terroriste të 27 prillit në Parlamentin e Republikës së Maqedonisë.
Në të njëjtën vijë, disa besimtar mysliman të Luginës së Preshevës kanë
vendosur që të shkulin politikisht Shqiprim Arifin vetëm pse i njëjti është
besimtar dhe po i pengon politikave sllave.
Si duket ky lloj i njerëzve nuk e kanë kuptuar se të veprosh politikisht në
një shtet të caktuar duhet që t`i respektosh dhe bindesh parimeve të atij
shteti, përndryshe do të jesh jashtë loje dhe i margjinalizuar. Nacionalizmi i
myktë folklorik si në Luginë të Preshevës ashtu edhe në Maqedoni, shqiptarët me
dekada i ka mbajtur të margjinalizuar, të pa punë, pa bukë dhe pa ekzistencë,
duke i traumatizuar me ide dhe logjika të palogjikshme si kjo e hedhjes pluhur
syve me një Plan Aksional për Luginën e Preshevës.
Pragmatizmi për to dhe të gjithë është që në suaza të ligjeve dhe
rregullave ti të arrish që ta përmirësosh gjendjen e popullatës dhe vendit tënd,
duke mos shkelur dhe cenuar interesat e shtetit ku je duke vepruar. Pragmatizëm
nuk nënkupton jetë në ëndërra ireale të Marksit dhe Leninit.
Plani Aksional për Luginën e Preshevës është kërkesë e Komisionit Evropian
për të ndalur fluksin e regjufatëve sirian në Evropë dhe vendosjen e tyre në një
vend si Lugina e Preshevës. Bota dhe njerëzit e civilizuar nuk bëhen aq
budallenj që për interesa të Ragmi Mustafës e zhiveli Riza Halimit të bëhen se
nuk po i shohin sirianët që gjenden midis Serbisë dhe Hungarisë të vendosur në
kampin e refugjatëve në Serbi. Ata duan që të gjejnë një zgjidhje e cila edhe në
logjikën e tyre është normale. Pse është normale? Shumica e refugjatëve sirian
i takojnë besimit islam, po ashtu edhe pjesa dërmuese e popullatës së Luginës së
Preshevës i takojnë besimit islam, me përjashtim të zhiveli Ragmi Mustafës,
Riza Halimit e Nehat Hysenit.
Serbët duan që ta zgjidhin problemin me refugjatët sirian dhe kjo gjë i
konvenon edhe shtetit të Serbisë, edhe Luginës së Preshevës, nëse realizohet. E
di se nuk i konvenon vetëm komunistëve të myktë të cilët janë tronditur dhe po
i zë trishtimi se pse me Komunën e Preshevës po udhëheq një besimtar mysliman. Me
24 dhjetor preshevarët e dinë se kush do t`i mbron më së miri interesat e tyre.
Ata nuk janë zhiveli, dhe në Preshevë do t`i thuhet stop përgjithmonë
zhiveli-ve që flasin shqip.
No comments:
Post a Comment