Hamdi Nuhiju
Para disa viteve, në afërsi të Shkupit, te liqeni i Smillkovcit, pafajësisht
u vranë disa të rinj maqedonas, ku u akuzuan shqiptarët për terrorist islamik dhe
pjesëmarrës në një vrasje makabre, ose vrasje monstrum. Me të drejt politike
dhe juridike rasti në fjalë u quajt “Monstra”, por si viktimat ashtu edhe
fajtorët, ishin viktimë e një diktati politik, i një grykësie në sistemin
juridik dhe gjyqësor në Republikën e Maqedonisë.
“Monstra” tronditi opinionin shqiptar, maqedonas dhe ndërkombëtar! Të gjithë
e dinin se ata të rinj maqedonas janë të vrarë pafajësisht si dhe të burgosurit
e etiketuar si terrorist islamik, pafajësisht u dënuan me burgim të përjetshëm.
Zemrat e nënave shqiptare dhe maqedonase u thyen dhe u helmuan nga një ndërhyrje
politike në sistemin gjyqësor në Republikën e Maqedonisë. Para medieve u
arrestuan shqiptarët sikur të ishin terroristët më të rrezikshëm në rruzullin tokësor,
po ashtu u përbuzën edhe ndjenjat fetare dhe njerëzore të shqiptarëve të
Republikës së Maqedonisë ku nënat dhe gratë shqiptare me shamia u arrestuan dhe
u nënçmuan. Ky imazh politik dhe juridik, i krijuar qëllimisht nga regjimi i
kaluar nxiti ndjenjat e shqiptarëve të cilët në mënyrë të paorganizuar dolën në
protesta në një numër të madh, që tejkaloi pritshmëritë e të gjitha subjekteve politike
duke përfshirë edhe partinë shqiptare në pushtet. Shqiptarët për të parën herë morën
guximin të dalin kundër një subjekti politik shqiptar në pushtet që ata i
etiketonte si terrorist islamik. Pres konferenca e ish ministres së punëve të
brendshme Gordana Jankulloska së bashku me ish zëvendës ministrin shqiptar e dëshmon
atë se si u mor vendimi i padrejtë ndaj shqiptarëve. Ende pa u bërë gjyqi për
rastin “Monstra”, ish ministrja Jankulloska ngutej për t`i etiketuar shqiptarët
si terrorist islamik.
Nëse ekziston një pikë kthese në politikbërjen shqiptare në Republikën e
Maqedonisë, reagimi i shqiptarëve në rastin “Monstra” është një fillim i një
ndryshimi i cili ende nuk ka përfunduar. Për të parën herë u përdor një e drejtë
demokratike, pa frikë prej askujt, dhe u protestua haptas kundër një regjimi që
mbyllte dhe vriste shqiptarët.
Lideri i LSDM-së, Zoran Zaev më vonë publikoi bomba të ndryshme politike ku
premtoi se do të publikonte edhe bombën për Monstrën. Ai u akuzua shpesh herë
nga qarqet shqiptare për mos publikimin e bombës për Monstrën dhe manipulimin e
mundshëm të tij me ndjenjat e shqiptarëve. Presionin e tillë politik, Zoran
Zaev e duroi me një aksion politik deri
në shndërrimin e atij aksioni në kryeministër të Republikës së Maqedonisë dhe në
momentin e caktuar, me vepër e dëshmoi atë që tha me fjalë. Me insistimin e
tij, rasti “Monstra” u kthye në rigjykim. Si rezultat i kësaj, të burgosurit e
rastit “Monstra”, të dënuar me burgim të përjetshëm u liruan në paraburgim shtëpiak.
Shpresa dhe gëzimi u kthye tek familjet e vuajtura. Njëkohësisht u kthye shpresë
edhe tek të gjithë shqiptarët e Republikës së Maqedonisë se paska një dromcë drejtësie
në këtë shtet. Lajmi për të liruarit e rastit “Monstra” mori dhenë. Edhe në këtë
rast pamë momente irrituese nga aktorët e dikurshëm politik që ishin pjesëmarrës
në sajimin e rastit “Monstra” e të cilët dolën thuajse të parët me vlerësime pozitive
pas ndryshimit të situatës.
Komentues dhe analist të ndryshëm politik në Republikën e Maqedonisë,
ndryshimin e procesit gjyqësor “Monstra” e vlerësojnë edhe si një shkulje ose rrënjosje
totale të politikbërjes shqiptare. Sipas tyre, politikbërja shqiptare në
Maqedoni është deshifruar skajshmërisht në paaftësi. Ekzistojnë edhe
interpretime të tilla se nëse kryeministri i vendit, Zoran Zaev tash do të kërkonte
zgjedhje të parakohshme, me siguri, të gjitha subjektet politike shqiptare do
t`i linte në total me dy ose tre deputet.
No comments:
Post a Comment