Hamdi Nuhiju
Lëvizjet politike në shoqëri ndikojnë
në krijimin e klimës pozitive për të bashkërenditur procese të cilat pikëtakimin
e kanë tek bindjet dhe ndjenjat e njerëzve. Këto lëvizje përballen me stuhi dhe
sfida të ndryshme ku gati se turfullojnë ashtin dhe lëkundin idetë.
Të tilla lëvizje kur paraqiten në
shoqëri, paraqiten edhe rigrupimet e partive politike majtiste-djathtiste e të qendrës
duke tejkaluar barrierat e tyre ideologjike dhe duke u bërë bashkë para një
uragani. Frika e gllabërimit dhe idesë autoktone këto parti të varura dhe
ndikuara prej qarqeve të ndryshme i bënë të imunizojnë radhët dhe të përdorin të
lejuarën dhe të ndaluarën drejt krijimit të puçit, tradhtisë e mashtrimit. I gëzohen
çdo gjëje, nëse Lëvizjes ia heqin vetëm S-në ose edhe bishtin. Eksitohen dhe përdorin
të gjitha armët e medieve masive për të shprehur dalldinë e tyre politike drejt
turbullimit të ujit në skenën politike.
Masat e paedukuara me leximin e situatave
dhe gjendjeve dinë që të duken se po bien pre e kurthit të puçit, tradhtisë e
mashtrimit. Kur lëvizja është autoktone ajo është e bindur se masat mund që t`i
kthen kah epiqendra si një magnet tërheqës. Ashti, shpirti dhe trupi e kërkon që
të kthehet në vetvete ose në burimoren. Ndonjëherë dalldisesh e del nga
vetvetja. Situatat e tilla gjithmonë janë sinonim i sqarimit të gjendjeve të pakëndshme,
çrregullimeve e tradhtive të ndryshme. Kur kthehesh në vetvete dhe kupton
dallimet midis idesë autoktone të artikuluara përmes një lëvizje, dhe ideve të
importuara, të huaja dhe të dëmshme, ia fut ethet të majtëve, të djathtëve dhe
atyre të qendrës të ndikuar e të varur prej konceptit TJETRI.
S-ja kur shkëputet prej LËVIZJES
humb identitetin e saj politik, njerëzor dhe shoqëror duke u paraqitur si një
barrierë gllabëruese e pjesës së dytë ‘Lëvizje Autoktone’. Në zhargonin popullor
nga aktivist i idesë shndërrohesh në halabak dhe nga një pjesë përbërëse e Lëvizjes,
shndërrohesh në Halabakhane.
Ideja e Lëvizjes autoktone
vazhdon edhe nëse shkëputet S-ja dhe këtë gjë e dinë edhe miqtë edhe armiqtë e
idesë. Prandaj nga pozita e neutralitetit kanë dal haptas të grupuar dhe me
plan djallëzor për ta zhdukur idenë.
Ideja e Lëvizjes Besa është
shpirti dhe arteriet e popullit shqiptar në Maqedoni. Janë rrugëtimi i lirisë
dhe sakrificës i ndërtuar me vite e shekuj përballë të gjitha sistemeve djallëzore.
S-në kësaj Lëvizje mund t`ia vjedhësh dhe shkëputësh, po të kujtosh se ia vodhe
e zhduke idenë është njëjtë si të kujtosh se mund ta zhdukësh shpirtin dhe
arterien e popullit.
No comments:
Post a Comment