Hamdi Nuhiju
Skena politike shqiptare në Republikën e Maqedonisë qysh prej themelimit të
saj si shtet e deri më sot ka pasur parti të ndryshme politike të cilat kanë
ardhur me ide për ta ndryshuar statusin politik dhe juridik të shqiptarëve.
Këto
parti janë transformuar me kalimin e kohës, ku disa prej tyre kanë ngelur si
pjesë e të kaluarës, ndërsa një pjesë ende janë si shenja identifikuese në shoqëri
që tregojnë rrugën ose kahen në të cilën kanë kaluar shqiptarët.
Shqiptarët në Republikën e Maqedonisë janë një popull liridashës, të cilët
kanë vuajtur shumë nga sistemi i standardeve të dyfishta prej okupatorëve të
ndryshëm që kanë qenë në këto toka, por kanë vuajtur ende më shumë nga vasalet
dhe të dëgjueshmit e pushtetit nga radhët e tyre. Kohët e ndryshme kanë
prodhuar dhe nxitur sfida të ndryshme të cilat është dashur që të kalitin indin
shoqëror dhe të transformojnë mendimin dhe aksionin politik të shqiptarëve në
Republikën e Maqedonisë.
E djathta me të majtën gjithmonë janë ndërsyer në mesin e ofertave politike
shqiptare të cilat kanë kërkuar me ngulm hapësirën gjallëruese dhe ringritjen e
kërkesave kombëtare të shqiptarëve përmes frymës ideologjike dhe mentalitetit
internacional. Shqiptarët kanë qenë mirënjohës si ndaj të djathtës ashtu edhe
ndaj të majtës duke i mundësuar një terren hapërimi të gjitha frymave dhe
rrymave të ndryshme ideologjike.
Lufta mes të majtës dhe të djathtës nuk i ka lënë shumë hapësirë qendrës ose
konservatizmit. Kanë qenë momente historike ose kyçe për shumicën që të kapet
treni i modernizmave në kuptimin e transformimit në kohë të këtij koncepti. Bota
demokratike ose bota majtiste nëse në periudha të caktuara ka qenë moderniste,
shqiptarët e Maqedonisë është dashur që të rreshtohen kah forcat të cilat kanë
përcaktuar fatin e shumicës së popujve në Ballkan, Evropë dhe botë. Sistemimi dhe
oferta politike edhe nga vet intelektualët dhe politikanët shqiptar ka qenë i
ndikuar dukshëm nga trendet botërore që kanë përcaktuar frymën dhe orientimin.
Pjesa dërmuese e intelektualëve dhe akademikëve ndajnë mendimin se shqiptarët
e Maqedonisë gjithmonë kanë ditur që në kohë të përcaktohen në anën e duhur,
duke qenë gjithmonë në hap me kohën. Por, në periudha të caktuara historike ka
pasur persona, individ dhe grupe të caktuara shoqërore që kanë luajtur rrole
destruktive e që duke i shërbyer interesave të caktuara jo shqiptare kanë dëmtuar
mjaftueshëm popullin shqiptar. Ato grupe dhe parti politike duke u thirrur në
vlerat e luftës si dhe të nacionalizmit, e sidomos luftës së fundit të vitit
2001, uzurpuan hapësirën publike si dhe mendimin e lirë dhe kritik të shqiptarëve
e vendosën në sustën e partive politike maqedonase. U gërrye konceptualizmi i
tyre histerik si një masë mbrojtëse e mbijetesës politike duke ia shembur
shpresat të gjitha përpjekjeve dashamirëse dhe liridashëse të grupeve të mëparshme.
Formula e të majtës leniniste që historikisht është e njohur si një mbytje
kolektive e heshtur në formën e censurimit të mendimit publik si dhe varfërimit
të skajshëm të popullatës, nxitjes së populizmit dhe hedhjes pluhur ndaj të
gjithë individëve liridashës-qëllimmirë u duk si e dobishme për këtë grupacion.
Si rezultat i kësaj nisi procesi i shpërnguljes së Maqedonisë prej shqiptarëve,
varfërimit të skajshëm, ndërsa në anën tjetër, partia shqiptare në pushtet që
mbante këto vlera e njohur në opinion si BDI vazhdonte të forcohej e pasurohej gjithnjë
më shumë. Ngjarjet e vitit 2015 dëshmuan për kulmin e një politike
antishqiptare e cila tregonte për futjen thellë në hipotekë të një subjekti
politik nën çizmen sllave. Vulosja e gjithë kësaj hipotekë ishin zgjedhjet
lokale ku haptas kryeministri reformist Zoran Zaev lobonte për kuadrot e BDI-së
që t`i mundnin kandidatët e Lëvizjes Besa tek të cilët shihnin rrezik potencial
për avancimin dhe përmirësimin e gjendjes së shqiptarëve në Republikën e
Maqedonisë.
Tashmë BDI-ja pas zgjedhjeve të fundit lokale nuk mund t`i ikë vulës, hijes
dhe ndikimit sllav. Në anën tjetër, Lëvizja Besa edhe pse vazhdimisht është e
akuzuar si parti me ndikim turk, në Programi Politik i Lëvizjes Besa, 2018-2022
i miratuar në Kongresin e parë të kësaj partie të mbajtur me 18.02.2018 në
Tetovë, në f.19 shkruan:”BESA është lëvizje AUTONOME-megjithëse është e hapur për
bashkëpunim me të gjithë, ajo është lëvizje e pavarur, subjekt më vete, dhe nuk
është filialë e asnjë subjekti të brendshëm a të jashtëm.”
No comments:
Post a Comment