Hamdi Nuhiju
Reprezentacioni i Bosnjës dhe Hercegovinës po luan për herë të parë ndeshje
miqësore në futboll me Barcelonën, thotë një barsoletë. Gjatë përgatitjeve për
t`u përballur, trajneri i kombëtares boshnjake porosit Hasën që të kujdeset për
Mesin maksimalisht, me qëllim që mos t`i lejoje të njëjtit të shënoje gol. Fillon
ndeshja!
Në minutën e pestë, Hasa shënon gol. Por, jo në portën e ekipit kundërshtar,
po në portën e kombëtares boshnjake. Në minutën e 40 shënon golin e dytë në
portën boshnjake. Gjatë pauzës, trajneri boshnjak porosit ekipin e kombëtares boshnjake
që ta ruajnë Hasën nga shënimi i golave, sepse thotë: Mesi nuk po ditka me
luajt futboll.
Është barsoletë e këndshme me doza ironie. Barsoletë që përshkruan bukur situatën
e partive politike shqiptare dhe maqedonase gjatë kampanjës zgjedhore për
zgjedhjet e 15 korrikut.
Sa autogola u dhanë nga eksponent partiak prej të gjitha subjekteve
politike shqiptare e maqedonase gjatë kësaj kampanje? Shumë! E mbani mend
sloganin ‘Hajde knej’ dhe këngën e Dafina Zeqirit me pamje eksplicite ‘Hajde ma
knej’ të postuar nga ministri i arsimit dhe shkencës, njëherit edhe bartës në
listën e kandidatëve për deputet të BDI-së, në njësinë zgjedhore numër dy, Arbër
Ademi?
E dëgjuat deklaratën e kandidatit për kryeministër të parë shqiptar, Naser
Zyberi, pak para zgjedhjes së tij si kandidat për një pozitë të këtillë se çfarë
tha në lidhje me këtë temë? Është farsë.
Në anën tjetër, autogolat e Filipces,
Shekerinskës, Damjanovskit e eksponentëve partiak të Lëvizjes Besa nuk
kanë të ndalur. Pa autogola nuk është as blloku opozitar shqiptar në përbërje të
Aleancës për Shqiptarët dhe partisë Alternativa. Mjafton të jeni të kujdesshëm
gjatë paraqitjeve të tyre publike dhe do t`i zbuloni vet ato.
PDSH-ja dhe VMRO-DPMNE-ja janë kampion në këtë temë. Sidomos spoti kryesor
i VMRO-DPMNE-së ku njerëzit vetëm të përkatësisë etnike maqedonase ecin me kokën
ulur. Spot i ngjashëm me atë të PDK-së në Kosovë të Kadri Veselit duke e shtyrë
autobusin.
Autogolat në kampanjë zgjedhore mund që t`i mbuloje ose t`i fsheh logoja e
partisë politike, ndoshta edhe e koalicionit. Ato janë të pranueshme, me doza
humori, të lezetshme deri në momentin e zgjedhjes së tyre si deputet. Në momentin
e zgjedhjes në pozitën e deputetit, çdo autogol i një deputeti shqiptar ose
maqedonas është në dëm të gjitha popujve që jetojnë në Maqedoninë e Veriut.
Disa politikan shqiptar, fatkeqësisht janë të papërmirësueshëm në këtë pikë.
Ata pa marr parasysh a gjenden në opozitë ose në pozitë vazhdojnë avazin e tyre
në dhënien e golave ndaj votuesve të tyre në radhë të parë, pastaj edhe ndaj tërë
popullit shqiptar.
Përfundimisht ka ardhur koha që politika shqiptare në Maqedoninë e Veriut të
reformohet. Në këto zgjedhje me sistemin e listave të mbyllura, me mos
pastrimin e Listës Zgjedhore, me zgjedhje që do të mbahen deri në ora 21, përsëri
do të vazhdoje avazi i vjetër i dhënies së golave në portën e shqiptarëve. Por detyrë
parësore përbërja e re parlamentare shqiptare duhet që ta ketë vënien e theksit
në këto tema.
Nëse aspak nuk interesohet për këto tema, nënkuptohet dëshira e madhe për të
vazhduar gjendja e tanishme që do të jetë vetëm në dobi personale të një klike njerëzish
nga Struga e deri në Kumanovë.
No comments:
Post a Comment